February 19, 2024 (Thawhtanni) khan Relief & Development Department-a thawktute - Director, Rev. L. Vanlalsanga leh Nl. T. Lalfawnveli, Astt.Coordinator te chuan Thaizawl Relief Camp, Lunglei District-a raltlante tlawhin tanpuina an pe a. Tanpuina hi school sakna tur cheng sing 4 an pe a ni. Thaizawl-ah hian Raltlan chhungkaw 183 awmin mi 860 vel an la khawsa mek a ni..
Tun tuma tanpuina an pek hi High School sak sak mek chhunzawmna atana hlawhfa rawihna tur a ni a, a hma in school sakna tur pawisa fai leh tui dah khawlna sintex te, thawmhnaw leh ei leh in mamawh hrang hrang te pe-in tanpuina hi tum engemawzat R&D kaltlang hian pek an lo ni tawh a, Medical Health Camp pawh Christian Hospital, Serkawn te nen tangrualin neih a lo ni tawh bawk.
