Programme hi Nl. Laldinthari Ralte, Field Facilitator-in a kaihruai a, Rev. Zonunvula Ralte, Committee member R&D leh Lecturer JBS-in Pathian hnena inkawltirna hunserh a hman zawhah Rbt Lalrinawma, Coordinator, R&D leh Pi Baby, Tailoring Instructress ten report tlangpui pe-in, Rev. R. Lalnunzira, AGS-Service-in Graduate te hnenah Certificate hlanna a nei a, Rev. F. Zorinkhuma, MTKP Secretary-in Malsawm tawngtaina-in hun a khar a ni.
Tun tumah hian Puanthui zir mi 17, Baking - 4, Computer Course ah - mi 3 leh Beautician zirlai mi 4 leh Alluminium & Steel Fabrication ah 5 te hnenah Certificate hi pek an ni. Puanthui zir chhuakte hi ke khawl hlan an ni a, a dang zawng hi Certificate bakah hian an eizawnna bul tan nan Rs. 7500 man hu an bul แนญan na tur pek an ni bawk.
Relief & Development Department hian hun rei tak atang khan Youth Skill Development Project neiin Puanthui zirna bakah Canadian Baptist Ministries nena thawhhona-in Thingtlang lama thalai lehkha thiam, eizawnna mumal nei lo te pualin thiam zirna hrang hrang – Computer Course, Beautician, Electric Wiring leh Alluminium Fabrication te zirtir an ni.
