December 5, 2023 (Thawhlehni) chawhnu dar 1:30 khan School of Nursing, Christian Hospital, Serkawn chuan General Nuring & Midwifery (GNM) batch tharte pualin Capping & Lamp Lighting leh GNM zirchhuak te tirhchhuahna ‘Graduation Service’ an hmang a. Rev. KV Thanga, President BCM chu khuallian niin, Zirlai te tawiawmtu an chhungte bakah sawm bik mi thehnem tak an tel a ni.

Rev. Zonunvula Ralte, Chaplain, Christian Hospital, Serkawn-in hunserh hmangin, Upa Dr. Lalramzauva, Director, Medical & Health Department-in Inkhawm a kaihruai a, Chairman-in Welcame Address a neih hnuah Pi Hmingthanmawii Pachuau, Principal, School of Nursing, Christian Hospital-in GNM batch thar te hmelhriattirna leh Nursing School report tlangpui a pe.

Pi Lalhlimpuii Hrahsel, Asst. Nursing Superintendent, Christian Hospital, Lawngtlai-in Bati chhiin zirlai lut thar te lukhum a khum tir a, Zirlaiten thutiam an sawirual zawhah Chief Guest-in GNM zir chhuak te Certificate hlanin Rev R. Lalbiakliana, General Secretary-in zirlai tithate hnena pek thin lawmman chi hrang hrang a sem bawk. Rev. F. Zorinkhuma, Secretary MTKP-in Pathian hnenah lawmthusawiin tawngtaina a nei a, Chief Guest hnen atangin thuchah ngaihthlak a nih hnuah, BCM aiawhin Rev. R. Lanunzira, AGS-Service te, Nursing School aiawh - Pi Lalchangliani Sailo, Tutor, School of Nursing, Christian Hospital, Serkawn te, Zirlai chhuak turte aiawh - R. Remsangpuii te hnen atangin thusawi ngaihthlak a ni bawk. Rev. H. Lalfakzuala, Secretary, MBMP-in malsawmna-in Graduation & Lamp Lighting Ceremony a khar a ni.

Tun tumah hian zirlai lut thar mi 20 te lukhum khum tir an ni a, GNM zir chhuak mi 16 hnenah Certifucate hlan an ni bawk.