Vawiin, November 15, 2024 (Zirtawpni) chawhnu dar 1:00 khan School of Nursing, Christian Hospital, Serkawn chuan BCM Hall, Serkawn-ah ‘Graduation and Lamp Lighting Ceremony an hmang a. Rev. R. Lalnunzira, AGS Service, BCM chu khuallian niin, zirlai te leh anmani tawiawmtu an chhungte bakah sawm bik mi thehnem tak an tel a ni.

 

Rev. Zonunvula Ralte, Chaplain, Christian Hospital, Serkawn-in Pathian hnena inkawltirna (hunserh) hmangin, Medical & Health Department Director, Upa Dr. Lalramzauva’n Inkhawm a kaihruai a, Pi Vanlalthlengliani, Vice Principal, School of Nursing, Christian Hospital-in GNM batch thar te hmelhriattirna a neih hnuah Pi Hmingthanmawii Pachuau,  Principal, School of Nursing, Christian Hospital Serkawn-in Bati chhiin zirlai lut thar te lukhum a khum tir a, Zirlaiten thutiam an sawirual zawhah Chief Guest-in GNM zir chhuak te Certificate hlanin Upa Dr. LH Lalrammawia leh Upa Dr. K. Vanlallawma, Christian Hospital Serkawn atanga Pension-a chuak ta ten zirlai tithate hnena pek thin, award chi hrang hrang an sem a, General Secretary Rev. Dr. R. Lalbiakliana’n GNM Result 2024 a School of Nursing, Christian Hospital, Serkawn atanga Final Year exam te atanga Top Ten-a a lang mi 5 te hnenah BCM aiawhin chawimawina leh lawmpuina thilpek a hlan bawk.  

Rev. Lalramngheta Chhangte, Manager, Baptist Printing Press-in Pathian hnenah lawmthusawi tawngtaina a neih zawhah GNM zirlai te atangin Pathian fakna hla ngaihthlak a ni a, Chief Guest hnen atangin thuchah ngaihthlak a nih hnuah, Nursing School aiawh - Pi R. Vanlalruati, Tutor, School of Nursing, Christian Hospital, Serkawn te, Zirlai chhuak turte aiawh -Vanlalnunthari Vanchhawng te hnen atangin thusawi ngaihthlak a ni bawk. Rev. JC Vanlalluaia, Bialtu Pastor, Serkawn Pastor Bial-in malsawmna-in Graduation & Lamp Lighting Ceremony a khar a ni.

Tun tumah hian zirlai lut thar mi 30 te lukhum khum tir an ni a, GNM zir chhuak mi 19 hnenah Graduation Certificate hlan an ni bawk.  Kum 2024 GNM result tih chhuah-ah School of Nursing, Christian Hospital Serkawn chuan result tha tak neiin, Tun tuma Graduate thar zingah mi panga te top-ten-ah an lang in, pathumna, palina, pariatna, pakuana leh 10-na te an hauh a ni.

 

 

 

VEHICLE AUCTION NOTICE

VEHICLE AUCTION NOTICE

Baptist Church of Mizoram chuan a hnuaia Motor Vehicles te hi tihral a duh a. A lei duh chuan a lei ngamna zat chiang takin lehkha ah ziaka char hnanin (Sealed Envelope), a hnuaia hming ziak hnenah hian thehluh tûr a ni a, a ngam sang ber hnenah pêk a ni ang. Amaherawhchu, BCM in a man hniam lamah bituk chin a nei ang Hrechiang duh chuan Office hun chhûngin motor hi enfiah theih a ni a. A hnuaia hmun leh hun tarlan ah hian chhanna lehkha chu hawn tûr a ni ang. …

HATIM thawktu lak tharte

HATIM thawktu lak tharte

BCM Education Committee Meeting vawi 171-na dated 27th October, 2026-a thukhawm chuan a hnuaia hming tarlante hi Higher and Technical Institute, Mizoram (HATIM)-a thawk turin a la thar …

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

Ni li chhung awh tur Mizoram Baptist Kohhran Missionary Conferance Vawi 9-na chu October 15, 2026 atang khan BCM Biak in, Zotlang, Lunglei-ah neih a ni …