Mizoram Baptist Kohhran Calendar-a kan hmuh ang leh kum tina Mizoram Baptist Kohhranin kan tih thin angin June Pathianni hnuhnung ber hi Sunday School kum chanve exam ni a lo ni leh ta. Mizoram pumah Pathianni zing inkhawm banah Exam hi neih a ni ang. Senior ‘A’ leh Senior ‘B’ chu a bu ena exam tur a ni a, Pathianni hmasa khan Question hi semchhuah tawh niin mahni in lamah an chhang mek a, Pathianni hian an chhanna an thehlut ang.
Intermediate chin hnuailam zawng chu tih thin dan pangngaiin a hmunah exam tur a ni ang a. Kum chanve Exam Question hi Headquarters atanga siam lovin, Pastor Bial Sunday School Committee-in an bial chhung theuh atan Question hi a buatsaih thin a ni.
Christian Education Department Director, Rev. K. Lalnunsanga chuan Department aiawhin kum chanve exam tha taka nei theuh tur in Kohhran member zawng zawngte ngenin duhsakna a hlan a ni.
