November 12 leh 13, 2024 khan BCM Thingkah, Lawngtlai North Pastor Bial chuan an Kohhran kum 100 tlinna (Centenary) an lawm a. Headquarters atangin General Secretary Rev.Dr.R.Lalbiakliana bakah Rev. Dr. F. Lalsangliana, Editor, Kohhran Beng & Baptist Today leh Rev. H. Lalfakzuala, MBMP Secretary ten Centenary hi an hmanpui a, Lawngtlai atangin BCM President Rev. F. Ramdinmawia leh Executive Secretary Rev. Dr. H. Lalthlamuana te, Pu FC Lalhualhima, Production Assitstant BCM AV ten he hun hi an hmanpui bawk.

November 12, thawhlehni zan dar 6:00-ah Centenary mei an det a, dar 6:15-ah Pathian Biak Inkhawm neiin Upa H. Lawmkima, Kohhran Chairman-in inkhawm a kaihruai a ni. Bialtu pastor Rev. David Lalmalsawma Sailo-in thuchah sawiin, Tualchhung Kohhran Zaipawl, KNP Zaipawl leh Nl. S. Lalrinsangpuii te’n zaia rawngbawlna an nei bawk.

Nilaini chawhma dar 11:30-ah Biak In kawtah Centenary dar vuak a ni a, Kohhran hruaitute leh Fellowship hruaitute’n dar hi vuain chhun dar 12:00-ah Centenary hriatrengna lungphun (Monument) chu BCM President Rev. F. Ramdinmawia’n a hawng a, Biak In thar hawnna neih chhunzawm niin General Secretary Rev. Dr. R. Lalbiakliana’n Biak In hi hawngin 12:30-ah Pathian Biak Inkhawm neih chhunzawm a ni.

Inkhawm hi Bialtu pastor, Rev. David Lalmalsawma Sailo-in kaihruaiin, Rev. Dr. H. Lalthlamuana, Executive Secretary, Lawngtlaiin Centenary Souvenir a tlangzarh a, Rev. Dr. R. Lalbiakliana’n thuchah sawiin, Tualchhung Kohhran Secretary hnen atangin Kohhran chanchin tlangpui leh Bial In sak report te ngaihthlak a ni.

 

Lawngtlai Area Baptist Choir, Thingkah Kohhran Zaipawl, LIKBK Shalom Kohhran Zaipawl, Peniel Kohhran Zaipawl, Lawngtlai North Bial Zaipawl leh Tv. Oscar Zaihmingthanga te’n zaia rawngbawlna an nei bawk. Inkhawm banah Centenary lawmna leh Biak In thar lawmna ruai kilho a ni.

Nilai zanah Pathian Biak Inkhawm neih chhunzawm niin, Upa K. Challiana’n inkhawm a kaihruai a, Rev. F. Ramdinmawia, BCM President-in thuchah sawiin, BKHP zaipawl, Tualchhung Kohhran Zaipawl leh Refugee Camp, Thingkaha Chin unau te’n ten fakna hla an remin Centenary lawmna hi an hmanpui bawk a ni.

 

 

 

VEHICLE AUCTION NOTICE

VEHICLE AUCTION NOTICE

Baptist Church of Mizoram chuan a hnuaia Motor Vehicles te hi tihral a duh a. A lei duh chuan a lei ngamna zat chiang takin lehkha ah ziaka char hnanin (Sealed Envelope), a hnuaia hming ziak hnenah hian thehluh tûr a ni a, a ngam sang ber hnenah pêk a ni ang. Amaherawhchu, BCM in a man hniam lamah bituk chin a nei ang Hrechiang duh chuan Office hun chhûngin motor hi enfiah theih a ni a. A hnuaia hmun leh hun tarlan ah hian chhanna lehkha chu hawn tûr a ni ang. …

HATIM thawktu lak tharte

HATIM thawktu lak tharte

BCM Education Committee Meeting vawi 171-na dated 27th October, 2026-a thukhawm chuan a hnuaia hming tarlante hi Higher and Technical Institute, Mizoram (HATIM)-a thawk turin a la thar …

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

Ni li chhung awh tur Mizoram Baptist Kohhran Missionary Conferance Vawi 9-na chu October 15, 2026 atang khan BCM Biak in, Zotlang, Lunglei-ah neih a ni …