July 30, 2024 (Thawhlehni) hi Ṭhalai Kristian Pawl (ṬKP) din champha vawi 73-na a ni a. Kumin ṬKP Day thupui chu “I Pathian tawk turin inpeih rawh’(Amosa 4:12) tih a ni ang.

ṬKP Day hi kum tinin member ten urhsun takin an hmang thin a. Unit tam zawk chuan zing karah Social Service thawkin vantlang hmun leh Biak In leh a chhehvel te an tifai a, Zan lamah MṬKP atanga programme duansa angin Unit tinah ṬKP Day lawmna Inkhawm urhsun takin an nei thin a ni.

Kum dangah pawh an lo toih thin angin MṬKP hruaitute chuan sawmna an hmuh ang leh MṬKP Executive Committee-in ruahmanna a siam angin, ṬKP Day ah hian Unit hrang hrangah hetiang hian an feh chhuak leh dawn a ni:- 

ṬKP DAY VAWI 73-NA HMAN DAN TUR CHUNGCAHNG-A 

MṬKP THU CHHUAH 

ṬKP DAY

30th July 2024 (Thawhlehni)

THUPUI: “I Pathian tawk turin inpeih rawh”( Amosa 4:12)

THUHMA:

Kum 2024 ṬKP Day hi Unit tin ten kum danga kan tih  thin anga  tangkai taka hmang leh  theuh turin kan in sawm a ni. Kumin a MṬKP in kan hmalakna hrang hrang, Bial leh Unit ṬKP in tihlawhtling tura kan thawh mek te, ṬKP thutiam leh dinchhan te leh inkaihhruainain min beisei dante hre chunga ṬKP day hi hmang turin kan in ngen a ni. ṬKP day hlawhtling taka hmang turin duhsakna kan inhlan e.

HRIAT TUR PAWIMAWH:-

1. Kum 2024 ṬKP Day hi July thla thawhlehni vawi 5-na a ni a. Hun hman dan tur chu Unit ten Tualchung Kohhran berawnin chungin ruahmanna siam tur a ni.
2. ṬKP Day atȃna hman tur detailed programme hi MṬKP a tangin siam a ni lova, Unit-in mahni remchan dan leh  tha a tih anga buatsaih tur a ni.
3. ṬKP Day Inkhâwmah hian thawhlâwm lâkkhawm  thin a ni a. Bial kaltlangin Rbt H. Lalruatkima, MṬKP Finance Secretary hnenah-ah thehluh tur a ni. Thawhlawm hmanna tur hi hun remchang hmasa berah MṬKP Executive Committee-in a ngaihtuah ang.
4. ṬKP Day hi  tha taka hman a nih theih nân mahni Tualchhung kohhranah thlen ni se, Fellowship dangte pawh min telpui tura sawmin, chanvo (special items, adt..) siam sak thei te chuan siam sak leh ngei pawh tum ila a  tha awm e.
5. ṬKP Day hi ṬKP Ni pawimawh a ni a. Kum danga kan lo kalpui  thin anga Unit ten Kohhran leh khawtlang tâna hun hmang leh  theuh turin kan in ngen a ni.
6. ṬKP Day-ah hian Inkhawmnaah  tawng tai rual neih tur a ni. Tawng tai thupui hi MṬKP a tanga buatsaih sa bakah Unit lamin a tul angin a buatsaih belh thei ang.

ṬAWNGṬAI THUPUI:-

1. Kum 2024 MṬKP rorel bawhzuia hmalakna hrang hrang kan tih hlawhtlin theih nan.
2. MṬKP Inkhawmpui 2025 inbuatsaihna kal pui mek tan. (Lunglawn Pastor Bial in an dawl dawn.)
3. Kan ramah sawrkar  tha a awm theih nan.
4. Ruihhlo ngaite leh a zuartu ten an sim theih nan.
5. ṬKP member ten hriselna  tha tak nei chunga rawngbawl hna kan thawh theih nan.
6. ṬKP Thutiam leh Din Chhan kan tihhlawhtlin theih nan.