November 8, 2024 (Zirtawp) zan atang hian BCM hnuaia thawktu te chuan BCM Hall, Headquarters Office, Serkawn-ah BCM Staff Conference an nei dawn a, he hunah hian Mizoram chhunga Office leh Intitution hrang hranga thawk te (Pastoral Deparmtent leh Missionary te tel lovin) an kal khawm a ni. Conference thupui-ah “I rawngbawlna kha hlen rawh” II Tim.4:5 thu hman a ni a, Speaker -ah Rev. Dr. R. Lalthanmawia, AGS Missionj leh Rev. R. Lalnunzira, AGS Service te hmangin, General Secretary rev. Dr.R.Lalbiakliana'n Conference tan zanah Key Note Address a pe a, Inrinni leh Pathianni chawhnu-ah te Seminar neih a ni ang a, Resource person-ah Rev. Andrew Lalhmangaiha, AsstProfessor, AICS, Upa C. Lalhmingmuana, Principal, BHSS leh Pu Vuansanga Vanchhawng, Proincipal, HATIM te an ni ang.
Zirtawp zanah Conference hawnna Inkhawm neih a ni a, Upa Dr. Lalramzauva, Director, Medical & Health Department-in inkhawm kaihruaiin Rev. Dr. R. Lalbiakliana’n thupui sawihawnna a nei a, BCO atangin Special item leh Electric pastor Bial Zaipawl leh Nl. Rosangzuali Khiangte, Zotlang te hnen atangin fakna hla ngaihthlak a ni. Inrinni chhun-ah Seminar neih a ni a, chawhma lamah Pi Hmingthanmawii Pachuau, Principal, School of Nursing, Christian Hospital, Serkawn-in Seminar a kaihruai a. “Rawngbawltu mimal invawnna leh inthununna” tih thupui hmangin V. Vuansanga, Principal HATIM-in paper a present chu zirho a ni. Chawhnu lamah Seminar hi chunzawm lehin Pi C. lalawmpuii, Principal, BES Serkawn-in Seminar a kaihruai a, ‘Manners & Etiquette“ tih thupui hmangin Upa C. Lalhmingmuana, Principal BHSS paper present chu zirho a ni. Paper zirhona neih hnu-ah sawihona leh sharing te neih chhunzawm a ni bawk.
Inrinni zanah Pathian biak Inkhawm neih leh a ni ang a, Rev. R. Lalnunzira, AGS-Service-in thuchah a sawi ang.Pathianni chawhma leh Pathianni zanah te inkhawm awm lehin Rev. Dr. R. Lalthanmawia, AGS – Mission in thuchah a sawi ang a, Pathianni chawhnu-ah “Rawngbawltu mawhphurhna leh inpekna” tih thupui hmangin Seminar neih a ni ang a, Rev. Dr. Andrew Lalhmangaiha, AICS in Paper a present ang. Staff conference hi pathianni zan inkhawm banah an tiak tawh dawn a ni.
