Christian Education Department buatsaihin August 3-4, 2024 hmang khan, Zotlang Bial, Aizawl Sunday School Meet chu BCM Biak In, Zotlang, Aizawl-ah neih a ni a. Resource person-ah Sunday School Trainer pahnih Upa Lalhmukima Kawlni leh Upa P.C.Vanlalrova te hman an ni a, Nl Rohluzuali, Kanaan, Lunglawn Bial-in zaia rawngbawlin tawiawm bawk.

Inrinni-ah nilengin Tleirawl pual-in hun hman a ni a, chawhma leh chawhnu hunah thenin, chawhma lamah Upa P.C.Vanlalrova’n ‘Tleirawlte hawvel’ tih thupuia hmangin power point presentation a nei a, chawhnu lamah Upa Lalhmukima Kawlni-in Power point leh paper hmangin eizawnna kawng inkawhhmuhna (Career Guidance) a hmang bawk. Inrinni hian Baptisma leh Intermediate zirtute leh puipa leh zirtirtu kal khawm hi an vain 167 an ni .

Pathianni zing inkhawmah Upa P.C.Vanlalrova’n thuchah a sawi a, Pathianni zan inkhawm chu Praise & Worship atan hmangin, Upa Pc Vanlalrova’n thuchah tawi a sawi a, Upa Lalhmukima Kawlni leh Aizawl Zotlang Bial zaipawl ten Praise & Worship an kaihruai a, hun hlimawm tak an hmang.

Pathianni chawhnu-ah Thalaite leh tleirawl te pualin hun hman chhuzawm leh a ni a, Upa Lalhmukima Kawlni-in in Power point-in hmangin Ruihhlo that lohzia zirtirna hun a hmang. Pathianni chawhnu hunah hian tleirawl te leh hruaitu te mi 220 an kan kal khawm a ni.