May 29, 2025 (Ningani) hi Mizoram Baptist Kohhran Ni pawimawh (Special Day) “ṬKP Ramthim Ni”a ni a. Kumin ṬKP Ramthim Ni thupui chu “I thuin lente ka deng leh ang e”( Luka 5 : 5)” tih a ni. ṬKP Ramthim Ni-ah hian MṬKP atanga ruahmanna an siam zul zuiin Unit tinah inkhawm leh ţawngţai programme te siamin, urhsun takin hun an hmang ang, Mission rawngbawlna lama ţhalaite cho thar leh nan te, Missionary-te puala ţawngţai leh ţawngţai programme te siamin hun hman ţhin a ni.

BCM, Communications Department hnuaiah Anchor hna a ruaka, rawngbawlna a ngaia dil duhte chuan Plain Paper-ah dilna ziakin, mahni lawina Kohhran lehkha thil telin BCM Hqrs. Office Serkawn-ah  hun tiam chhungin thehluh theih a ni.

May 22, 2025 (Ningani), chawhma 11:00 khân, JH Lorrain Hall, Baptist House Lawngtlai Bazar vengah, Lawngtlai Area Ṭhalai Kristian Pawl Co-ordination Committee hruaitute’n Lawngtlai Area chhûnga ṬKP member – zirnaa hlawhtlingte châwimâwina hun an hmang a, LAṬKP Vice Chairman Rbt. Rohluzuala Chhakchhuak-in hun a kaihruai.

ADMISSION TO GENERAL NURSING AND MIDWIFERY COURSE 2025

May 7, 2025 (Nilaini) aṭang khan Kolkata Region hnuaia Mission Field leh School account te, Baptist House, Kolkata-ah audit mek a ni a, 13.May.2025 (Thawhlehni) aṭangin Guwahati Region hnuaia Mission Field leh School account te, Baptist House Guwahati-ah audit a ni leh ang.

May 7, 2025 Nilaini chhun khan BCM hnuaia Recognise Evangelistic Team welfare OB hruaitute chuan kum danga an lo tih thin angin BCM hruaitute, hruaitu thar an awm a pianga Pathian hnenah malsawm sakna dila tawngtaisakna hun an nei thin angin , he hun hi General Secretary Room-ah an hmang.

Kum dang ang bawkin “Kristian chhungkaw Chawlhkar” chu May 12-18, 2025 chhung hian Tualchhung kohhran tin leh chhungkaw tinah hman a ni leh dawn a. Hemi chawlhkar-a chhungkaw thu zir tur Rev. R. Lalrinliana ziak Kristian Chhungkaw chungchang zirlai 6 awmna pawh Headquarters atangin Pastor Bial hrang hrangah chhungtin te daih tura sem chhuah tawh a ni.

Baptist Higher Secondary School chuan Tucker Hall-ah HSLC result chhuaka zirlai tithate pualin Felicitation Programme an hmang.

April 14, 2025 (Thawhtanni) khan Shillong khawpui chhunga Zo hnahthlak Kohhran hrang 6 kalkhawm te’n an rel angin, April 27, 2025(Pathianni) khan TLM Chapter 35-na ni turin BCM Biak In, Madanrting-ah hawnna inkhawm neih a ni. TLM Shillong Chapter hi Rev.TC.Zodinsanga, ES, TLM Mizoram in a hawng a, hruaitute Pathian hnena hlanna leh tawngtaisakna Upa H. Thanzuala, Secy. TLM Campaign Committee Mizoram-in a nei bawk.

May 4, 2025 (Pathianni) hi Baptist Mipa Pawl (BMP) din champha phak vawi 45-na a ni a, BMP awmna Unit tinah thupui Headquarters atanga thupui thlan sa “Thlenchin atanga hmasawn” ( Philippi 3:16) tih hmangin hun hman a ni ang. Mizoram BMP hruaitu te pawhin Unit hrang hrang-ah hetiang hian BMP Day hi an hmanpui ang.

May 2, 2025 Zirtawpni kha Baptist Kohhran Hmeichhe Pawl (BKHP) din champha phak vawi 87-na a ni a. Kumin BKHP Day thupui chu “Lawm chunga Lalpa rawngbawl” (Sam 100:2) a ni. MBKHP lam atanga ruahman leh ngenna an siam angin hemi ni zing kar leh chhun lama hun hmang theite chuan Khawtlang tana thil tha tihna atan hmangin khawlai tihfai hna te an thawk a, zan lam-ah BKHP Day pualin inkhawmin, thupui thlan sa hmangin thuchah ngaihthlak a ni. Hemi Ni pual inkhawm thawhlawm hi Tualchhung Kohhran harsa zual tanpui nan hman tura ruahman a ni.

April 23, 2025 (Nilaini) khan Kristian Naupang Pawl Din champhaphak (KNP Day) vawi 82-na hman a ni . Kumin KNP Day hi School chawlh lai anih loh avangin tualchhung kohhran thenkhat chuan zan inkhawmnaah KNP pualin hun an hmang a. KNP te’n item hrang hrang an entir bakah thuchah sawitute pawhin thupui awm sa “Thuawihna (Kolossa 3:20) ” tih thu hmangin thuchah an sawi.

April 27, 2025 Pathianni hi Mizoram Baptist Kohhran Ni pawimawh (Special Sunday) “Buhfaitham Pathianni” a ni a, Kolossa 3 : 24 thu “Lalpa Krista rawng in bawl a nih hi” tih chu thupuiah hman a ni.

April 22 - 25, 2025 (Thawhlehni atanga Zirtawpni) chhung khan Headquarters Area, Lawngtlai Area leh Aizawl Area-a BCM Financial Account (2024-2025) Internal Audit neih a ni.

Christian Hospital Serkawnin Mizoram Universal Health Care Scheme (MUHCS) zawm leh zawm loh chungah Hospital Management Committee-in Committee sang zawka thlen tura, a rel bawhzuina kal zelah nimin April 22, 2025, Thawhlehni chawhnu dar 2:00 khan BCM Headquarters Office, Committee Room No 1-ah BCM Puipate, Medical & Health Director, Senior Doctor-te leh Mizoram Health Care hotute chu Mizoram Universal Health Care Scheme (MUHCS) chung chang sawi hovin an thukhawm.