Aizawl Area TKP buatsaihin Aizawl Area huam chunga Bial TKP hrang hrang huapa Bible Quiz buatsaih chu, October 20, 2023 (Zirtawp zan) khan Final inelna neih a ni a, hemi zan hian lawmman sem nghal a ni. Intihsiakna hi October 12 & 13 khan BCM City Church, Kohhran Hall-ah neih a lo ni tawh a, Quiz Master - Tv. Vanlalruata, ni in Aizawl Area huam chhunga Bial TKP -12 te inelna ah hian an tel.

October 20, 2023 (Zirtawp) zana Final Round BCM City Church, Kohhran Hall-ah neih hi Nl.Zirsangpuii, Durtlang Mualveng Unit-in kaihruaiin, Pu Lalhmunsiama Pautu, Chariman, Aizawl Area TKP in Pathian hnena in kawltirna hun a hmang a, MTKP Vice President Pu F. Lalremruata’n MTKP aiawhin chibaibukna a sawi bawk. Tv. Thawhlehnaniropuia, Bawngkawn Unit-in fakna hla a sak zawhah Quiz inelna neih a ni a. Pastor Bial Pali – Aizawl Central Bial, Zotlang Bial, Bawngkawn leh Aizawl East pastor Bial ten Inelna an nei a. Inelna neih zawhah Aizawl Area Baptist Zaipawl ten fakna hla sa a rawngbawlna an nei a, Lawmman semna neih zui nghal ni in Tv. C. Lalbiakkima, Secretary, Aizawl Area TKP in lawmman semna a kaihuai a.

TKP Aizawl Central Pastor Bial pakhatna niin lawmman tangka fai Rs. 15,000/- leh Citation an dawng a, Aizawl East Pastor Bial te pahnihna niin lawmman tangka fai Rs. 10,000/- leh Citation an dawng a, Pathumna Zotlang Pastor Bial ni in tangka fai Rs. 7000/- leh Citation dawngin, Palina TKP Bawngkawn Pastor Bial-in lawmman tangka fai Rs. 5,000/- leh Citation an dawng bawk. Lawmman semna neih zawhhah Rbt. V. Vanlalropuia, Convener, Organising Comtt.-in  Lawmthu sawiin, Upa P.C. lalmalsawma, Secretary, BCM City Church-in tawngtaiin Bible Quiz hi a khar a ni.

Pahnihna :  Aizawl  East Bial

Pathumna : Zotlang Bial

Palina : Bawngkawn Bial