Aizawl East Pastor Bial KNP Inkhawmpui neih a ni.

By Communications Dept.BCM

May 20-21, 2023 hmang khan BCM Biak In, Electric Veng, Aizawlah Bial KNP Inkhawmpui Vawi 21-na neih a ni a, Speaker ah Pu H. Muansangpuia, KNP Trainer hman niin thupuiah "Piantharna" tih hman a ni.

Inkhawmpuiah hian BCM Thurin Puanchhuah lak tawi leh Kristian hla bu No. 490-na "Vana ka kumkhaw in chu" tih hla hmangin intihsiakna neih a ni a. Pathian Biak inkhawm bak ah Pathianni chawhnu ah Fakna Inkhawm neih a ni a, intihsiakna lawman semna hun hman nghal a ni. Inkhawmpui chhung hian bial chhung KNP Unit hrang hrang atangin item chi hrang en leh ngaihthlak tur te a awm bak ah, Thawhlehnaniropuia leh Jonathan Lianhna ten zaia rawngbawlna hun an nei bawk.

Aizawl East Pastor Bial ah hian KNP Unit 6 Armed Veng South, Bethani, Chanmari, Electric, Ramthar North leh 6 Saron Unit te an ni a, member 420 an awm mek a ni.

Aizawl E Bial KNP2.jpeg

R & D in Ralvawngah khuarel chhiatna tuartute tanpuina a sem.

R & D in Ralvawngah khuarel chhiatna tuartute tanpuina a sem.

April 18, 2024 (Ningani) khan  Relief & Development Department chuan Ralvawng-a thli leh rial avanga chenna in chhia chhungkaw 53 te chhawmdawlna atan Charity fund atangin cheng nuai khat an sem a. Tanpuina hi Rev. L. Vanlalsanga, Director R&D, Pu Lalrinawma, Coordinator leh Nl. Laldinthari Ralte, Field Facilitator ten a hmunah kalin an hlan a ni. He hunah hian Kohhran hruaitute bakah khawtlang hruaitu te engemawzat-in an tawiawm a ni. …

BMP Lunglawn unit ten Media Awareness an nei.

BMP Lunglawn unit ten Media Awareness an nei.

Tualchhung Kohhran Media Committee hmalakna in April 15, 2024 (Thawhtan) zan inkhawm ah media awareness hi neih a ni a. MBMP Media Cell Committee Convener Pu Vanlalpeka chu Resource person-ah hman a ni a, MBMP Media Committee Secretary Rbt.J.Lalrosanga leh Pu R.Lalhlimpuia, Committee member ten an telpui bawk. …

ṬKP Zotlang Pastor Bial, Aizawl ten Bial Sport an nei.

ṬKP Zotlang Pastor Bial, Aizawl ten Bial Sport an nei.

Bial TKP Sport hi Luangmual Indoor Stadium April ni 12, 2024 khan neih a ni a, Bialtu Pastor Rev. RC. Lalthanzama'n Pathian hnena hlanna leh hawnna a nei a, member 408  kal in, Bial ṬKP Sport neih tawh ah chuan kal ṭhat ber ṭum a la ni. Inelna hrang hrang- member kal tam-ah te, Fian sehkawha intlan siak te, thil in ei siak te, chana fang tla inchhar chak siak te leh Volleyball hmang te-in an nei a ni. …