August 20, Pathianni hian Asia Pacific Baptist Federation atanga ngenna angin, tualchhung kohhran tin-ah APBF puala hun hman a ni dawn a. He hun-ah hian APBF in Mizoram Baptist Kohhran te min ngen angin Manipura chi leh chi inkara buaina avanga harsatna thleng mek tana tawngtaina le h Kumin November 17-18 chhunga APBF Golden Jubillee lawmna Singapore-a neih tura ruahman alo hlawhtlin theih nana tawngtaina hun hman a ni ang.

Tawngtai thupui chu a hnuaia tarlan ang hi a ni ang:-

1. Manipur leh Myanmar buaina avanga kawng hrang hranga harsatna tawk mekte tan. Remna leh muanna a lo awm thuai theih nan.
    
2. Asia Pacific Baptist Federation chuan kumin November 2023 hian kum 50 a lo tling dawn ta a. APBF kum 50 tlin lawmna hi November 17-18, 2023 khian Singapore-ah neih tum a ni a, hlawhtling taka he hun hi hman a nih theih nan kohhran tinte tawngtainaa hre turin min ngen. (He hunah hian Mizoram Baptist Kohhran pawhin hruaitu engemaw zat leh BCM Choir tirh a tum a ni)

Tin, Mizoram Baptist Kohhran-in Manipur buaina chungchanga kohhrante hnena thuchhuah leh tawngtaisak tura ngenna a siam zulzuiin Tualchhung thenkhat Manipur tanpuina la pe duh te tan a hnuaia tarlanah hian thawn theih reng a ni a. Bank Transfer-a thehlutte chuan Upa R. Lalbiakmuana hnenah Whatsapp Message (phone call ni lo) in hriattir zel turin General Secretary chuan Tualchhung Kohhran te a ngen a ni.