Baptist Camping Centre buatsaih hnatlang runpui neih chhoh mek a ni.

By Communications Dept.BCM

BCM Assembly-in Baptist Camping Centre buatsaih ni se ti-a a rel bawhzuiin, Administrative Committee chuan Ramzotlang-a R&D Complex hlui chu Camping Centre-a hman turin a ti a. Hemi atan hian Building thuam that leh hmunhma buatsaih hna hi Lunglei Khawpui chhunga Kohhran hrang hrang te a inchhawkin hnatlang an thawk  chho mek a, Kohhran te an phurin thawk chhuak an tha thei hle.

May 27 (Inrinni khan Hnatlang thawhkhatnaah Kohhran pali - Bazar, Salem, Lunglawn leh Zotlang Kohhran te hnatlangin member 180 chuang an thawk chhuak a, Thawhhnihna June 3, 2023 khan Kohhran panga – Kikawn, Rahsiveng,Sethlun, Venghlun leh Zotlang North te an thawk veleh a, member 223 an thawk chhuak bawk.

Hnatlang thawh thumna hi June 7 (Nilani) khian  Kohhran pali - Pukpui, Ramzotlang, Zohnuai East leh Gilgal Kohhran ten an thawk leh ang a, June 10 (Inrinni) ah - Gosen(Electricveng), Chanmari Vengthlang, Moria (Rahsiveng) leh Zohnuai Kohhran ten an thawk ve leh dawn a ni.

Camping Centrea Hnatlang (1).jpeg Camping Centrea Hnatlang (3).jpeg
Camping Centrea Hnatlang (8).jpeg Camping Centrea Hnatlang (2).jpeg
Camping Centrea Hnatlang (6).jpeg Camping Centrea Hnatlang (7).jpeg

 

Beirual thu zir tur Pathian hnena hlanna neih a ni.

Beirual thu zir tur Pathian hnena hlanna neih a ni.

July 25, 2024 (Ningani) zing khan BCM Hall, Headquarters Offce, Serkawn-ah kumin 2024-a Beirual Thuzir tur ‘Ringtu Nun’ tih chu Rev. R. Lalbiakliana, General Secretary-in Pathian hnenah hlanin a tlangzarh. …

R&D-in Thli leh ruah avanga chhiat tawka tanpuina a pe

R&D-in Thli leh ruah avanga chhiat tawka tanpuina a pe

July 22-26, 2024 khan Buarpui leh Aizawl ah te tun hnaia thli leh ruah avanga chhiatna hrang hrang tuarte hnenah BCM Relief & Development Department chuan Chhawmdawlna leh tanpuina a sem a. Heng chhawmdawlna te hi R&D Department hotute -  Director Rev L.Vanlalsanga,Co-ordinator Rbt Lalrinawma leh Asst Co-ordinator Nl T. Lalfawnveli leh Pu Lalhriatpuia, Driver ten kengin Pastor Bial hrang hrangah tanpuina hi an pe a ni. …

Mission Inkhawmpui neih chhoh meka ni.

Mission Inkhawmpui neih chhoh meka ni.

Mizoram Baptist Kohran - Mission Department-in Kohhrante Mission rawngbawlnaa hma kan sawn nan leh mission rilru kan put ngheh deuh deuh theihna atan Mission Inkhawmpui buatsaih ni se ti-a ruahmanna an siam angin Lawngtlai, Lunglei eh Aizawl-ah te Pastor Bial 2/3 huapin Mission Inkhawmpui hi neih turin ruahman a ni a. A hmasa ber atan July 19-21 khan Lawngtlai khawpui chhunga Pastor Bial pathum - Lawngtlai North, Lawngtlai South leh Lawngtlai East Pastor bial te infinin BCM Biak In, Chanmari, Lawngtlaiah Mission Inkhawmpui hi tluang takin neih a ni. nkhawmpui thupui-ah Joshua 3:1 thu  ‘Ram lak tur lah chu a la tam mai si a’ tih chu hman a ni.  He Inkhawmpui-ah hian Sepaker-ah Rev. Dr. R. Lalthanmawia, AGS Mission leh Rev. Lalremsiama, Mission Director te hmangin, Resource person-ah  Pu T. Nghaksanga Mission Promoter hman a ni bawk. …