Baptist Centre Lungphumna hi July 22, 2023 (Inrinni) khan, Falkland, Aizawl-a Baptist Multipurpose Centre-ah neih a ni a. Rev. C. Lalhungliana, Chairman, Area Development Committee, Aizawl-in hun kaihruaiin, Rev. R. Lalrintluanga, Executive Secretary-in Baptist Centre sakna tur atana ruahmanna leh hmalak dan tlangpui report a pe. General Secretary-in lungphum a phum zawhah lawmthusawina leh Building sak na tura theihtawp chhuah zel turin Kohhrante a sawm a. Upa J. Lalchhanhima, Area Development Committee, Aizawl-in Lawmthusawi tawngtaina neiin, Rev. Dr. K. Lalrinthanga’n Malsawm tawngtaiin hun a khar a ni.

He Building sakna tur hian Area Development Committee, Aizawl-in  leh  BCM Headquarters Property Deparmtent ten hma la-in ruahmanna an siam a. Aizawl Area-a Pastor Bial leh Kohhran ten hnatlang leh a tul ang ang sum leh pai te thawhin hma an la chho mek a. Hemi atang hian Baptist Multipurpose Centre ti-a a hming lo phuah tawh pawh, Area Development Committee, Aizawl te rawtna angin Baptist Centre, Aizawl tiin thlak a ni a, Administrative Committee pawhin a pawmpui tawh a ni.