October ni 25, 2023 khan Baptist English School, Serkawn leh BES Extension, Falkawn-a thawktute chuan Rev. Dr. H. Lalthlamuana, Executive Secretary, Lawngtlai Area speaker-a hmangin Arthington Hall, BES, Serkawn-ah intuaitharna (Retreat) an nei. Retreat hi Session hnih-ah then niin, chawhma session-ah – Zirtirtu leh kohhrana thawktute mawhphurhna hrang hrang leh awm dan tur zirho a ni a. Session hnihna, chawhnu lamah – Thawhhona chungchang leh Sam 73-na zirho a ni.

BES, Serkawn-ah hian thawktu mi 64 (teaching leh non-teaching staff) an awm mek a. Pre-school (Nursery) atanga Class VIII thleng zirna awmin, kuminah hian zirlai 1224 an nei a. Kum 2023 Academic session atangin BES Southern Extension hawngin, Centenary Building, Lunglei Chanmari-ah Nursery atanga KG-II thleng hawn a ni a, thawktu 10 leh zirlai 125 an awm mek bawk.