Tunkar Ningani, April 13, zing dar 8:20 khan Upa LH Liandinga, Tripura leh Ramchhunga Missionary hna a thawh hnu a, Headquarters Office, Serkawn ah Eductation Secretary leh Office Superintendent hna te thawk a pension-a chawl ta chu kum 72 mi ni in, Christian Hospital Serkawn ah a boral. Hemi ni vek, chawhnu dar 1:00 ah BCM Biak In, Serkawn-ah amah thlahna leh vuina Inkhawm neih a nih hnuin Serkawn thlanmualah thlahliam a ni.

Upa LH Liandinga hian 1972 atangin Volunteer Missionary in Tripura ah rawng a bawl a, 1974 ah BCM in Missionary atan a la in, Tripura ah a awm chhunzawm a. 1991 ah BBS Chawngte enkawl tura dah a ni leh a. BBS ah kum 10 dawn a awm hnu in, 2000 ah Headquarters Office-ah awm in, Eductation Secretary leh Office Supirentandant hna te a thawk leh a, 2013 ah pension in a chawl ta a ni. 

Upa LH Liandinga rawngbawlna avangin Mizoram Baptist Kohhran chuan Pathian hnenah lawmthu a sawi a, a kalsan tak a nupui, a tu leh fate leh chhungte a tawrhpui takzet a, Pathianin thlamuanin awmpui se tih chu kan tawngtaina a ni.