BCM pum-ah awmni kham-in tawngtaina neih a ni dawn.

BCM Assembly-in Ram pum-ah awmni kham tawngtai rualna neih ni se tia a thu passed bawhzuina leh Worship Depaermtnet-in ruamhanna a siam angin September 9, 2023 (Inrinni) hian Mizoram Baptist Kohhran chuan awmni khamin tawngtaina an nei dawn a. Pastor Bial kaltlangin Tualchhung Kohhran tinah he Ni hmang tura sawmna leh ngenna pawh tih chhuah a ni.

Tawngtaina hi Chawhma dar 11:00 ah tanin chawhma hun leh chawhnu hunah then a ni a, tawngtai thupui siam sa bakah kal khawm ten tul leh pawimawh an tih te an thawh thei bawk ang. Tawngtai thupui ruahman sa chu hengte hi a ni:-

  1. Sual thupha chawia tawngtai.
  2. Rilru leh thlarau ah harhna kan chan theih nan.
  3. Mizoramah eirukna leh hlemhletna a lo bo theih nan.
  4. Kohhran hruaitute leh NGO hrang hrangte’n inthuruala sual kan do theih nan.
  5. Kohhran, khawtlang leh chhungkua min tibuaitu ‘Ruihhlo’ a lo rem theih nan.
  6. Hmeichhiat mipat(Sex) hman khawloh avanga HIV/AIDS a lo kian theih nan.
  7. Khawvelah remna leh muanna thlen theih nan(Ukraine, Russia, Myanmar, Bangladesh).
  8. India ramah rorelna dik a awm a, sakhaw zalenna nei a, chi leh chi inthliarna a lo tawp theih nan (Manipur).
  9. Kum 2023 hi Mizoramah MLA inthlan kum a ni a, Mizoram hruaitu, Pathian tih mi, ram hmangaihtu leh mi rinawm kan thlan theih nan.
  10. Kum 2023 MLA inthlan dik leh felfai tak kan neih theih nan
Mission Field Account te Audit neih mek a  ni.

Mission Field Account te Audit neih mek a ni.

May 7, 2025 (Nilaini) aṭang khan Kolkata Region hnuaia Mission Field leh School account te, Baptist House, Kolkata-ah audit mek a ni a, 13.May.2025 (Thawhlehni) aṭangin Guwahati Region hnuaia Mission Field leh School account te, Baptist House Guwahati-ah audit a ni leh ang. …

BCM Recognise Evangelistic Team Welfare hruaitu  te’n  BCM hruaitute tawngtaisakna an nei.

BCM Recognise Evangelistic Team Welfare hruaitu te’n BCM hruaitute tawngtaisakna an nei.

May 7, 2025 Nilaini chhun khan BCM hnuaia Recognise Evangelistic Team welfare OB hruaitute chuan kum danga an lo tih thin angin BCM hruaitute, hruaitu thar an awm a pianga Pathian hnenah malsawm sakna dila tawngtaisakna hun an nei thin angin , he hun hi General Secretary Room-ah an hmang. …

May ni 12 atangin Kristian Chhungkaw Chawlhkar hman a ni dawn

May ni 12 atangin Kristian Chhungkaw Chawlhkar hman a ni dawn

Kum dang ang bawkin “Kristian chhungkaw Chawlhkar” chu May 12-18, 2025 chhung hian Tualchhung kohhran tin leh chhungkaw tinah hman a ni leh dawn a. Hemi chawlhkar-a chhungkaw thu zir tur Rev. R. Lalrinliana ziak Kristian Chhungkaw chungchang zirlai 6 awmna pawh Headquarters atangin Pastor Bial hrang hrangah chhungtin te daih tura sem chhuah tawh a ni. …