April 17, thawhlehni chawhnu dar 2:30 khan Baptist English School, Serkawn Extension chu Centenary Building, Falkawn, Chanmari Lunglei-ah hawnna leh Pathian hnena hlanna neih a ni a. BES Extension hlanna inkhawm hi Rev. L. Vanlalsanga, Education Director-in a kaihuai a, Director hian BES Extension hmunhma leh building buatsaih dan report tlangpui a pe a. BES Principal, Pi Lalawmpuii leh Pi. Lalramhluni, Supervisor, BES Extension ten school dinhmun tlangpui leh kalpui chhoh zel dan tur ruahmanna te an sawifiah a. Rev. R. Lalnunzira, AGS-Service-in Pathian hnena hlanna a nei.
.jpeg)
Baptist English School, Extension hi 2023-2024 Session atan Nursery, KG 1 leh KG II hawn a ni a, zirlai 120 awmin, Supervisor telin zirtirtu 4, LDC-1, leh Thawktu dang 5 an vaiin thawktu 10 an awm a ni.
.jpeg)
.
