July 22-23, 2023 chhung khan Bungtlang Pastor Bial BMP te chuan BCM Biak In, Khawnglung-ah “Tunlai thil awm zia” (Rom 13:11) thupuia hmangin Bial BMP Meet an nei a, Mizoram BMP Secretary Rev. H. Lalfakzuala chu Speaker-ah hman a ni. Speaker hi Nl. Lalhlumawii leh Nl. MC Laldingliani Hnahthial ten zaia rawngbawlin an tawiawm.
Inrinni chhun ah Sports Item hrang hrang hmanga infiamna leh intihsiakna nei tura duan chu khawtlangah chhiattawk an awm avangin an nei thei lo va. Inrinni zan, Pathianni zing leh Pathianni zanah te Pathian Biak Inkhawm neiin, Speaker hnen atangin thuchah ngaihthlak thin a ni a, Bial chhunga Kohhran zaipawl leh Unit BMP Zaipawl te leh mimal zaithiam tak tak ten zaia rawngbawlna an nei a. Pathianni chawhnu-ah Bial pum huapin Seminar prorgamme an hmang a, Resource person-ah Bialtu Pastor Rev. LH Lalmalsawma hman a ni.
Bungtlang Pastor Bial-ah hian Tualchhung Kohhran 4 - Bungtlang, Khawnglung, Rawpui leh Keitum te an awm a, Keitum-ah hian BMP an awm loh avangin Unit pathum atangin an kal khawm a ni.
