Biak In hlanna leh Kohhran kum 10 (Tin Jubilee) lawmna Inkhawm hi July 7, 2023 (Zirtawpni) chawhnu ah neih a ni a. Biak in kawt ah Jubilee lawmna dar vuak a ni a, hemi hnu hian Rev. R. Lalnunzira, AGS-Service Biak in hawnna leh Pathian hnena hlanna tawngtai neiin, Biak In chhungah lutin, Inkhawm chhunzawm nghal a ni.

Rev. Tc Laltlawmlova’n Inkhawm a kaihruai a, Upa Pc Lalmalsawma, Secretary-in Kohhran chanchin tlangpui sawiin, Upa C. Lalruaia, Building Comtt Secretary-in Biak In sak dan report a pe a, Rev. R. Lalrintluanga, Executive Secretary-in Souvenir a tlangzarh. Aizawl Area Baptist Choir, Central Pastor Bial Zaipawl, City Church Zaipawl leh City Chuch BKHP Zaipawl ten fakna hla sa-in rawngbawlna an nei a, Rev. R. Lalnunzira hnen atangin thuchah ngaihthlak a ni a, Bialtu Pastor Rev. K. Lalnunsanga’n malsawm tawngtaina-in inkhawm hun tawp a hmang.

City Church hi kum 2013-ah Aizawl Central Church atangin an indang a, tunah hian chhungkua 149 awmin member 670 an awm a, Kohhran Upa 14 leh Rawngbawltu 11 an awm mek a, Minister 4 an lawi mek a ni.