Education Sunday hman a ni

June 4, 2023 (Pathianni) kha Mizoram Baptist Kohhran chuan Education Sunday-ah hmangin Tualchhung Kohhran tinah Pathianni zing Inkhawm-ah Education lam inzirtirna neih a ni a, hemi ni thupuiah  II Tim 3:17 thu  -   ‘Thiamna chhawr tlâk, hna tha thawk turin’ tih chu hman a ni.

Hemi Ni hian Lunglei, Aizawl, Lawngtlai leh Hnahthial khawpui chung-ah te Education Department chuan thusawitu ruatin Kohhran tinah hun an hmang a, a bak zawng - Khawpui leh Thingtlang Kohhran-ah pawh Headquarters atanga thupui thlan sa hmang hian thuchah sawiin Education Campaign hi neih a ni bawk.

Kuminah hian Education Department Committee chuan Zirna chungchangah te, Mi thiam leh hman tlak nei tur te a inzirtir thar hi tul hlein a hria a. Kum 2023 June 4 hian Education Sunday hman ni se tiin, Administrative Committee-ah a thlen a, Administrative Committee chuan remtiin, Education Sunday chu hman a lo ni  ta a ni. Kumin-a Education Sunday hman a nih chhan leh a thil tum ber chu Zirlaite’n thiamna tak tak leh chhawr tlak an nih theih nana infuih tharna hun atan tih a nih angin Kohhran tinah hman a lo ni ta a ni.

Kum 2023 chhung hian Education Department chuan kawng hrang hrangin hma lak chhunzawm zel a tum a, hma lak dan tur ruahmanna te duangin chung zingah chuan – mithiamte thu ziak booklet siam te,  Zirna lam titihona (pannel Discussion) neih te, Kohhran Chanchinbu-ah a tam thei ang ber ziak te, Kohhran leh School hrang hrangah Education Campaign neih te, Zirlai thiam bikte scholarchip pek te chu hmalakna kal mek leh hmabak te a ni.

May ni 12 atangin Kristian Chhungkaw Chawlhkar hman a ni dawn

May ni 12 atangin Kristian Chhungkaw Chawlhkar hman a ni dawn

Kum dang ang bawkin “Kristian chhungkaw Chawlhkar” chu May 12-18, 2025 chhung hian Tualchhung kohhran tin leh chhungkaw tinah hman a ni leh dawn a. Hemi chawlhkar-a chhungkaw thu zir tur Rev. R. Lalrinliana ziak Kristian Chhungkaw chungchang zirlai 6 awmna pawh Headquarters atangin Pastor Bial hrang hrangah chhungtin te daih tura sem chhuah tawh a ni. …

BHSS in Felicitation Programme an hmang.

BHSS in Felicitation Programme an hmang.

Baptist Higher Secondary School chuan Tucker Hall-ah HSLC result chhuaka zirlai tithate pualin Felicitation Programme an hmang. …

The Leprosy Mission, Mizoram, Shillong Chapter hawn fel a ni ta.

The Leprosy Mission, Mizoram, Shillong Chapter hawn fel a ni ta.

April 14, 2025 (Thawhtanni) khan Shillong khawpui chhunga Zo hnahthlak Kohhran hrang 6 kalkhawm te’n an rel angin, April 27, 2025(Pathianni) khan TLM Chapter 35-na ni turin BCM Biak In, Madanrting-ah hawnna inkhawm neih a ni. TLM Shillong Chapter hi Rev.TC.Zodinsanga, ES, TLM Mizoram in a hawng a, hruaitute Pathian hnena hlanna leh tawngtaisakna Upa H. Thanzuala, Secy. TLM Campaign Committee Mizoram-in a nei bawk. …