June 10, 2023 (Inrinni) khan Mizoram Baptist Kohhran, Chhipphir North Biak In sak thar chu Rev. R. Lalbiakliana, General Secretary-in a hawng. Biak In thar hawnna Inkhawm hi Rev. N. Vanlalzuia, Bialtu Pastor, Chhipphir Pastor Bialin a kaihruai a, General Secretary-in Kohhran thar leh Biak In thar a hawn hnu-ah  Tualchhung Kohhran Building Secretary-in Biak In thar sak dan report tlangpui a pe. BCM Choir, BCM Chhiphhir leh Chhipphir North Kohhran Zaipawl bakah Nl. Lalchhanchhuahi ten Pathian fakana hla an sa bawk.

Building Secretary Report-in a tarlan danin kum 2019-ah BCM Chhipphir North hi in dangin June 16, 2016-ah hetih laia General Secretary ni lai Rev. F. Ramdinmawia’n a hawng a.  Kohhran Indanna tur hian kum 2015, August 31 ah Biak In sakna tur Lungphum chu hetih laia Bialtu pastor Rev. PC Lalmuankima’n a phum a, Kohhran thar chuan Biak In sak lai chu chhunzawm zelin, hawn theiha peih a nih chuan  cheng nuai 66, sing 4, sang thum leh 442 (Rs. 6,643,442/-) sen a ni a, tha 6514 sengin, tha sen zawng zawng atang hian hnatlang tha 4522 a tel a ni. Biak In len zawng hi a dung  Feet 70 leh a vang lam Feet 33 a lian a ni.

BCM inchhiarna-in a tarlan danin, Chhipphir North Kohhran-ah hian chhungkaw 54-ah Kohhran member – 252 an awm a, Kohhran Upa 4 leh Rawngbawltu 8 an awm mek a ni.