March 17 leh 18, 2023 (Zirtawpni leh Inrinni) khan Higher & Technical Institute, Mizoram (HATIM) chuan Thalaite thiam thil haichhuahna leh phochhuahna atan HATIM Campus, Kawmzawl-ah Hill-Fest an buatsaih a. Zirlaite leh thalai te, naupang ten an hlutin tlawhtu leh chhimtu an thahnem hle.

Zirtawpni chawhma dar 10:00 ah hawnna Inkhawm neih a ni a, Principal Pu V. -Rev. L. Vanlalsanga, Director, Education Department-in Hill Fest hi hawng in, HATIM in thalaite leh zirlai te an zirlai piahlama an thiam thil haichhuahna leh pho chhuahna hun tha tak buatsaih ani chu lawmawm a tih thu tarlang in, buatsaihtu HATI Principal leh thawktu te chung ah lawmthu a sawi a. Hawnna inkhawm ah hian HATIM leh Lunglei Gov't College atang te in Special Item hrang hrang leh hnam lam te entir a ni.

Hill Fest hi ni hnih awm ni in, hemi chhung hian Solo Competition leh Beat Contest a awm bak ah, dawr hrang hrang awm in, thalai ten anmahni kutkawiha an thilsiam te pho in an zuar a, ei leh in tur hrang hrang mizo thalai ten an siam ngei zawrhna hmun a awm thluah bakah, intihhlimna leh infiamna chi hrang hrang a awm bawk. Tun tum HATIM Hill Fest hi a vawihnihna ni in, Lunglei khawpawn atangin thiam thil phochhuaka dawr nghak leh Hill Fest chhim te pawh an awm a, mipui, abikin thalaite ngaihhlut a hlawh hle a ni.