June 9, 2023 (Zirtawpni) kha International Archives Day vawi 75-na a ni a. Hemi Ni denchhen hian Mizoram Sorkar, Art & Culture Department chuan 'Archives kal phung leh a pawimawhna' tih thupui hmangin Archives Hall Babu tlang Aizawlah Seminar neih a ni a, Archives nei - Sorkar leh Kohhran leh mimal sawm bik mi 20 telin, BCM Archivist - Upa MS Dawngliana pawh tel tura sawm a nih angin a tel. Seminar-ah hian Mithiam te buatsaih paper zirhona leh sawi hona hun tha tak hman a ni a, Archives and Library hmanga tha zawk a hna thawh dan te leh thawh hona tur kawng te sawi ho a ni...

Upa MS Dawnglian pawhin BCM Archive & Library chanchin te report pe-in BCM chuan Archives & Library hmanga rawngbawlna chu kum engemaw chhung kalpui a nih tawh thu te, Kohhran kaihhnawih rawngbawltute hmanraw hlui engemawzat vawn that leh enkalwmek a nih thu te sawiin, hmasawn tulna erawh kawng tam tak a la awm thu a sawi.

Tun-ah hian BCM Archive & Library hi Headquarters Office Main Building, Basement –ah awmin room zau leh nuam tak a luah ve ta a. May 20, 2023 khan he Archive & Library hmun thar hi Pathian hnenah hlan a ni a, thawktu pahnih-in an enkawl mek a ni. Hmanlai kutziak leh sulhnu te a original thei ang ber leh tlo zawk a vawn that a nih theih nan tunah hian khawl hmanga kawl vawn leh chhinchhiah hna (digitalization) thawh chhoh mek a ni.