September 15-17, 2023 hmang khan Kristian Naupang Pawl, Kolasib Pastor Bial chuan BCM Biak In Diakkawn-ah Sam 73:28 thu ‘Pathian Hnaih’ tih thupuia hmangin Bial KNP Inkhawmpui Vawi 10 na an hmang a, Speaker-ah KNP Trainer Pi Ammie Lalnunpuii an hmang. Speaker hi a pasal leh fate 3 in an tawiawm a, an fate pawhin special item te neiin Inkhawmpui an ti phuisui hle.
Zirtawp zan atangin inkhawmpui tanin Speaker-in thupui then hrang hrang hmangin thuchah a sawi thin a. KNP Unit hrang hrang atangin Special item leh Zaipawl Hla rem te, Group zai leh Worship Dance te thlirin ngaihtlak thin a ni bawk. Inkhawmpuiah hian Discipline, Solfa Hla, Recitation, Solo leh Worship Dance hmanga intihsiakna neih a ni. Pathianni chawhnu-ah Praise & Wortship leh Hnehna Puanna Inkhawm neiin, Inkhawm banah Speaker-in Bial KNP Hruaitute pualin Training a neihpui nghal bawk. KNP Leaders Training hi Kolasib Bial-ah vawikhat an neihna a ni a, Bial hruaitute an lawm hle a ni.
Kolasib Bialah hian KNP Unit 10 an awm a, chungte chu – Kolasib, Diakkawn, Bairabi, Omega, Zanlawn, Rengtekawn Vengthar, Tlangnuam, Hebron leh Kawnpui Unit te an ni a, KNP member zawng zawng 246 an ni. KNP Bairabi Unit kum 2 Inkhawmpuia tel tawh lo chu tun tumah hian an lo tel thei bawk a ni.
