July 7, 2023 (Zirtawpni) khan Fellowship Department buatsaih in KNP Leaders’ Trainers Meet chu Sap Upa leh Pu Buanga Hall, BCM Hqrs. Office, Serkawn-ah neih a ni a. Chawhma hunah Tv. Ivan R. Laldinkima, Vengpui – Lawngtlai-in hun a kaihruai a. KNP Promoter-in hriat tur pawimawh te puangin inhmelhriattirna a nei a, Rev. Dr. R. Lalthanmawia, AGS-Mission hnen atangin thuchah ngaihthlak a ni a, Rev. ZD Rodingliana, Director, Fellowship Department-in KNP Leaders’ Trainer te hman atana buatsaih, Trainers’ Guide a tlangzarh a. Tv. Lalawmpuia, BCM Aizawl West-in Naupangte mamawh, Taksa leh rilru hriselna’ tih thupui hmangin zirtirna a pe.
Chawhnu lamah sawhona hun hmang in, Nl. Lalremkimi, BCM Venglai, Lungleiin a kaihruai a, Upa C. Lalhmingmuana, BCM Salem-in “KNP Trainer tha zawk ni tura kan mamawh” tih thupui hmangin zirtirna a pe a, sawihona neih chhunzawm a ni bawk. Zan lamah BCM Hall-ah hun hman chhunzawm a ni a. Upa Lalfakzuala Khiangte, BCM Ramhlum North in Inkhawm a kaihruai a, Rev. F. Zorinkhuma, MTKP Secretary-in fuihna thuchah sawiin Pu C. Zorammawia’n KNP member zawng zawngte tana tawngtai sakna a nei a, Tv. V. Zonunsanga’n KNP Hruaitute tana tawngtaisakna neiin Rbt. C. Lalrinchhana’n KNP Trainers te tana tawngtaisakna a nei bawk.
