Fellowship Department committee chuan Mizoram pum huap Kristian Naupang Pawl te tan Lemchan tawi intihsiak buatsaih a rel a. Ruahmanna siam turin Lemchan tawi sub-committee dinin, Sub-committee chuan Lemchan tawi intihsiak chungchanga ruahmanna hetiang hian a siam a, KNP Unit te he lemchan intihsiaknaah hian a tam thei ang ber tel turin an sawm nghal a ni.

Description & Promotional Video : KNP Short Film Competition

..................

MIZORAM PUM HUAP  KNP ‘LEMCHAN TAWI INTIHSIAK’

CHUNGCHANGA  RUAHMANNA

A. Film kalphung tur:

1. A rei zawng: 15 minutes
2. Thupui: ‘Thuawihna leh taimakna rah’ (Thupui hi film hming nen hriatpawlh loh tur a ni. Film hming hi mahni duhdan in a film milin phuah tur a ni a,a film hawi zawng erawh thupui nen a inmil tur a ni)
3. Film siam nan hian Mobile phone chauh hman phal a ni a, phone camera ni lo hman anih chuan pawm ani lovang.

B. Thlit fim dan tur leh lawmman chungchang:

Short film lut zawng zawng atangin Sub-Committee in endikin 50 (sawmnga) a thlang anga, Chung 50-te chu Judge ten endikin , a hnuaia tarlan ang hian an thlangchhuak ang.

1. Lawmman Pakhatna atanga Pathumna hetiang hian pek an ni ang.

i) Pakhatna       –          ₹ 50,000 leh Citation

ii) Pahnihna     –          ₹ 30,000 leh Citation

iii)Pathumna –            ₹ 20,000 leh Citation

2. A chunga pathumte bakah Top 10-a lang dang Pasarihte hnenah Consolation Prize

₹ 10000/- theuh pek an ni ang.

3. Lawmman dang hetiang hian siam a ni bawk:

i)  Mipa lemchan thiam ber.

ii)  Hmeichhie lemchan thiam ber.

iii) Lemchan thawnthu (Script) ziak tha ber.

iv) Lemchan Buaipuitu (Director) tha ber.

v)  Lemchan phung (Screenplay) tha ber.

vi) Heng lawmman atan hian ₹ 5000 leh Trophy pek anni ang.

C. Film thehluh hun chhung leh thehluh dan tur:

Film hi June 30, 2023 thleng thehluh theih ani a, Film thehluhna tur hi KNP Promoter hnenah Office hun chhungin mahni ngei kalin a thehluh theih anga. Online-in email bcmknpfd@gmail.com ah google drive hmangin a thawn theih bawk ang.

D. Film siam chungchanga hriat tur pawimawh hrang hrangte:

1. Ruihhlo leh a kaihhnawih rawngkai lemchangah hian tarlan loh ni se.
2. Mipat hmeichhiatna lam hawi leh tawngkam bawlhhlawh tarlan loh ni se.
3. A tamthei ang ber leh lemchan bulpui (main role) naupangte tih tir tur a ni.
4. A chunga thupui mil khian film siam tur a ni a, a title (film hming) erawh chu a siamtu ten an duh ang an hmang thei ang.
5. Lemchan tawi atan hian eng video clip emaw lo copy luh palh leh video dang ami hman phal ani lovang.
6. Sound leh music-te chu original siamthei lo an awm anih chuan a thlawna hman theih tura Internet kaltlanga chhawpchhuah sa hman phalsak an ni ang.
7. Film thehluttu ten mahni Unit address kimchang nena thehluh tur a ni.
8. Lemchan tawi (full film) bakah hian trailer/teaser 30 seconds awh siamtel a, thehluh tel tur a ni.