September 29, 2023 (Zirtawpni) zing dar 10:00 khan BCM Hall, Headquarters Office, Serkawn-ah Kohhran Upa Exam Result 2023 tih chhuah a ni a. Pastoral Ministry Department Director Rev. Vanlalmuankima’n he hun hi kaihruaiin, report tlangpui a pe nghal a, General Secretary Rev. R.Lalbiakliana’n Result tlangzarhin Pathian hnena lawmthusawi tawngtain-in hun tihtawp a ni.
Kumin-ah hian Pastor Bial 62 atangin Kohhran Upa Exam tura mi 213 report dawn a ni a. Damlohna avang leh harsatna dang avanga exam thei lo mi pariat awmin, Pastor Bial 61 atangin mi 205-in exam hi a hmachhawn ta a ni. Exam thei lo zinga mi pahnih – Rbt. F. Lalrokunga, Hrangchalkawn Bial leh Rbt. R. Romawia, Lunglawn East Bial te chu vanduai thlak takin exam hman lovin an boral a ni. Kumina Kohhran Upa Exam zingah hian hmeichhia 4 an tel a ni.
Kohhran Upa Exam beitu mi 205 te passed vekin - ‘O’ Grade-ah 68 an pass a, ‘A’ grade-ah 83 passed-in, ‘B’ grade-ah mi 45 leh, ‘C’ grade hmu mi 9 an awm bawk. Heng Kohhran Upa Exam paltlangte hi ABC Inkhawmpui, November ni 26, 2023 -ah an awmna ABC theuhah nemngheh an ni ang.
Result tlangpui hetiang hi a ni:-
