ṬKP Lunglawn Pastor Bial te chuan September 22-24,2023 chhung khan, 'Engkimah mi mittlungin kan awm zawk ṭhin' tih II Korinth 6:4 thupuia hmangin BCM Biak In, Lunglawn East ah Bial ṬKP Meet an nei a, Speaker-ah Rev.Sangliankhuma Chinzah, Bialtu Pastor hman a ni. Inkhawm apiangin Speaker thuchah bakah Unit hrang hrang Zaipawl te, Live band, Group zai leh Mal zai te ngaihthlak thin a ni a, Worship dance leh Musical Drama hmanga Pathian thuchah ngaihtlak leh thlirho a ni bawk.

Pathianni zing inkhawmah MṬKP Secretary, Rev. F.Zorinkhuma'n chibai bukna thu tawi sawiin, Lunglawn pastor Bial chu MṬKP Inkhawmpui, 2025 dawl tur bial a nih anga theih tawp chhuaha inbuatsaih tur leh Meet hlawk tak hmang turin duhsakna a hlan a.
Pathianni chawhnu fellowship-ah, 'Social Media chungchang Inzirtirna' hun hman a ni a, MṬKP Media Cell lamin Inzirtirna hi an nei a ni. MṬKP Secretary bakah MTKP hruaitute - Rbt. Joseph B.Zirsangzuala, Pu PC.Lalbiakdika, Pu Lalrammuana Sailo, MṬKP Executive Committee Member te leh MṬKP Media Cell member Nl. H. Zairemsiami ten an telpui a ni.

ṬKP Lunglawn Pastor Bial ah hian Unit panga, Kanaan Unit, Lunglawn Unit, Lunglawn East Unit, Salem Unit, Shalom Unit te an awm a, Member 1783 - Mipa - 1062, Hmeichhia - 721 an awm mek a ni.