Manipur buaina avanga zohnahthlak tam tak, Mizorama raltlana awm te tlawh leh chhawmdawlna pek thawh li-na atan October 17, 2023 khan Thingdawl Relief Camp-ah R&D Relief Team te an kal a. Pu Lalrinawma, Coordinator leh Nl. T. Lalfawnveli, Asst.Coordinator te kalin chhawmdawlna cheng nuai 2 leh sing ruk man – Bufai, Alu, Dal, Chini leh nitin mamawh hrang hrang te an sem a ni.
Thingdawl-ah hian Relief Camp enkawltu Managing Board ten lo dawngsawngin, a tul apiang buaipuiin ruahmanna an lo siampui a ni. Thingdawl Relief Camp-ah hian Chhungkaw 65 awmin, an vaiin mi 295 an awm mek a ni.
