June 23, 2023 (Zirtawpni) chawhmadar 11:00 ah MBKHP Executive Committee meeting Sap Upa&PuBuanga Hall, BCM Hqrs Office, Serkawn-ah neih a ni. Meeting hi President Pi PC.Lalvohbiki’nkaihhruaiin, Secretary Lalhmingmawii Chongthu hnen atangin April 18-June 22 chhunga MBKHP rawngbawlna hrang hrang report ngaihthlak a ni.
Secretary report chuan Kumin MBKHP Rorel thu pass zing a mi Chhawmdawlna In awareness campaign neih ni se tih bawhzuina kal mekah Headquarters area-ah Lunglei khawpui chhung Pastor Bial pali - Zotlang, Chanmari, Lunglawn, Theiriat leh Hrangchalkawn Bialah te campaign neih zawh a nih tawh thu te, Pastor Bial 11 ah neih mek a nih thu leh, Bial 5 – Serkawn, Zobawk North, Bazar, Electric leh Rahsiveng Bial te hmabak a la nih thu a tarlang a, May 26-28 chhunginNEICCWA 14th Biennial Assembly chu BCM Biak In VenglaiLunglei-ah tluangtakin neih zawh a nih thu leh kum 2023-2025 chhung a tan MBKHP Asst. Secy Pi V.Biaklawmi chu NEICC-WA Executive Committee member atan ruat thar a nih thu a tarlang bawk.
Meeting thurel zingah – Kum 2024-a MBKHP Inkhawmpui Lungsen-a neih tur chu a hun atan February 15-18, 2024 chu ruat felin, Speaker atan Rev.K.Lalnunsanga, Bialtu Pastor Aizawl Central Pastor Bial chu an ruat fel nghal a, Inkhawmpui thupui-ah “Tho la, i Pathian ko rawh” (Jona 1:6) tih chu thlan fel a ni bawk.
Christian Conference of Asia (CCA) leh National Council of Churches in India (NCCI) inkawp chuan Asian Ecumenical Women’s Assembly, September 25-29, 2023 chhungin a buatsaih dawn a, MBKHP aiawh-a palai turin Pi. Zohmangaihi, Executive Committee member chu ruat a ni bawk.
