#Holy Faith School naupangte zingah 'Ruihhlo ṭhat loh zia inzitirna' neih a ni.
June 16, 2023 (Zirtawpni) chawhnu dar 2:00 khan MṬKP hmalakna a Ruihhlo ṭhat loh zia inzitirna School hrang hrang-a Awarness Programme kal mek ah, Holy Faith School, Electric Veng, Lunglei-ah neih a ni a. Zirtirna petu atan hian Nl Lalropuii Renthlei, Councillor Grace Society hman a ni a, MTKP hruaitute atangin Ruihhlo ṭhat loh zia inzirtirna hma latu - Sub-Committee member hruaitu thenkhatin an tawiawm bawk.
#TKP Khumtung Pastor Bial ah MTKP hmalakna chungchang zirhona Seminar an nei.
Seminar hi June 17, Inrinni chhunah BCM Biak In, Khumtungah neih a ni a, he hunah hian Rev. F. Zorinkhuma, MṬKP Secretary leh Tv. Lalbiaknia Chhakchhuak, Executive Committee member te chu zirtirna petu ah hmangin Rev. F. Zorinkhuma’n 'Kohhrana ṬKP te mawhphurhna' tih leh 'Intodelh’ tih thupui hmangin zirtirna a pe a, Tv. Lalbiaknia Chhakchhuak-in 'Ruihhlo ṭhat loh zia’ zirtirna a nei bawk.
Inrinni zan, Pathianni zing leh zan ah te Pathian biak inkhawm neih thin a ni a. Speaker ah MTKP Secretary hi hmang nghalin, ani hnen atang hian sermon ngaihthlak ṭhin a ni. He hun hi Aizawl Area lama MṬKP Executive Committee Member te Pu Lalhmunsiama Pautu leh Rbt. Zohmangaiha te bakah Aizawl Area ṬKP Co-odination Secretary Tv. C. Lalbiakkima ten an hmanpui.
#Lawngtlai Area TKP ten Ruihhlo that loh zia leh Rilru hrisel chungchang inzirtirna hun an hmang.
June 21, 2023 khan Lawngtlai Area TKP Co-ordination Committee buatsaihin Government Bethel Middile School ah Ruihhlo thatlohzia leh rilru hrisel chungchanga inzirtirna huan hman a ni a. He hun hi Lawngtlai Area TKP Co-ordination Committee Vice Chairman Rbt Elvis Lalthangzuala’n kaihruaiin, Rbt N.Rosangliana, Treasurer Lawngtlai TKP Co-ordination Committee chuan Pathian hnena hun hlan tawngtai a nei ani.
District Mental Health Programme, Lawngtlai District atangin Clinical Psychologist, Mercillia Lalrinpuii’n Ruihhlo that lohzia leh ruihhlo avanga thalaite’n harsatna kan tawk mek chungchang zirtirna a pe a. Pi PC Lalmuankimi, Adolescent Counsellor hnen atangin damdawi hmansual laka fimkhur a pawimawh thu ngaihthlak ani bawk.
Hemi hnu hian zirlai kalkhawm te chu ruihhlo leh sex hmansualna laka an fihlim theihna turin thutiam neihpui an ni a, tawngtaina in hun tihtawp ani.
#Hauruang Pastor Bial-ah Zu leh Ruihhlo that loh zia inzirtirna neih a ni.
TKP Hauruang Pastor Bial buatsaihin, June 17 (Inrini) khan BCM Biak In, Immanuel, Hauruangah Zu leh Ruihhlo that loh zia inzirtirna (Awareness Campaign) an nei a. Rev. Lalremsiama Fanai, Manager, Baptist Counseling Centre chu zirtirna petu ah an hmangin Rev. L. Vanlalsanga, Director, Social Concern Department pawhin he hun hi a hmanpui bawk.
Hauruang Bial chhunga TKP member te mai bakah, YMA leh Khawtlang pawl hrang hrang te sawmin hun hman a ni a. Hun hmasa lamah Rev. L. Vanlalsanga’n Zu leh a kaihhnawih ruihhlo that loh zia, Bible atanga zirtirna hrang hang te sawiin hun a hmang a. Hemi zawh hian Rev. Lalremsiama Fanai-in zirtirna hmang chhunzawm nghal in, zawhna leh chhanna hun te, sawihona hun te neih a ni. He hunah hian mi 40 zet an kal khawm a ni.
