#Muallianpui Pastor Bial chuan August 4-6 chhung khan Rev. Dr. R. Lalthanmawia, AGS-Mission speaker-a hmangin BCM Biak In, Muallianpui 'S'-ah Mission Convention an nei a. Zirtawp zan atangin Pathianni zan thleng Pathian Biak Inkhawm neih thin a ni a. Speaker thuchah bakah Kohhran Zaipawl, Group zai leh mimal zaithiam te hnen atang in fakna hla ngaihthlak thin a ni a. Pathianni chawhnuah Mission Pual-in Inpawlhona neih a ni a. Mission rawngbawlna report te ngaihtla-in zawhna leh chhanna te, sawihona te neih a ni bawk.
#Bethel Pastor Bial, Champhai chuan August 5 & 6 hmang khan “Krista aia Palai kan ni” tih thupui-a hmangin BCM Biak In, Kanaan, Champhai-ah Mission Convention an nei a, Rev Lalremsiama Ralte Speaker ni in, Speaker hi Nl. Rebek Lallawmzuali'n zaia rawngbawlin a tawiawm bawk.
Inrinni zan atanga Pathianni zan thleng Speaker hnen atangin thuchah tha tak tak ngaihthlak thin a ni a, Speaker thuchah bakah Tualchhung Kohhran Zaipawl, Bial Zaipawl leh mimal Zaithiam te hnen atangin fakna hla ngaihthlak thin a ni bawk. Pathianni chawhnu ah, Bialtu Pastor, Rev.Vanlalnghaka Jongte leh Speaker kaihhruaina in Mission Consultation leh Discussion hun hman a ni bawk. Bial Mission Convention hi tu m hnihna a ni a, Kohhran ho an phur hle a, mikhual riak lut pawh 30 zet an awm a ni.
