November 22-23, 2023 hmang khan Mawprem Presbyterian Church Shillong-ah North East India Christian Council Foundation Day leh Seminar neih a ni a. Seminar-ah hian Tunlaia Manipur State in harsatna a tawh mekte sawihona hun hman a nih bak ah, Uniform Civil Code in North East mipuite a nghawng theih dan turte zirho a ni bawk. NEICC foundation day lawmnaah hian Rev. R. Lalnunzira, AGS-Service chuan NEICC President a nih angin hawnna inkhawm kaihhruaiin, a tawp zanah Pathian thuchah a sawi bawk.
A ni bak-ah hian BCM atangin, NEICC hmeichhe pawl (Women Assembly) Secretary ni lai, Nl. Jessie Lalramneli te, Mizo Theological Association aiawh Rev. H. Ramthianghlima Asst. Professor AICS te, Rev. TC. Zodinsanga pawh Promotional Secretary, TLM te, ATTWI aiawh Rev. K. Rohmingliani, Asst. Prof. AICS te leh Professor Elungkiebe Zeliang, AICS te an tel bawk.
