June 9, 2023 (Zirtawpni) khan Pastors' Manual chu General Secretary Rev. R. Lalbiakliana’n a tlangzarh. Lehkhabu tlangzarhna hi BCM Hqrs. Office, Devotions hman zawhah neih chhunzawm a ni a. Rev. Vanlalmuankima, Pastoral Department Director-in kaihruaiin, Pastors' Manual buatsaih anih dan leh a chhunga thu awm te a sawifiah bawk. He hunah hian Hqrs. Office-a thawktute bakah Lunglei khaw chhunga Bialtu Pastor te an tel a ni.

Mizoram Baptist Kohhran-in Pastor te inkaihhruaina leh Kohhran enkawlna atana kalphung a neih te, Constitution leh Rules-in a sawi loh, Pastorte rawngbawl dan leh Serh leh sang – Inneih, mitthi vui, Biak In hawn,  Sacrament buatsaih, Inkhawm kaihhruai dan te leh kawng hrang hranga Kohhran tihdan te inang tlang leh rualkhai taka hman a nih theih nan Pastors’ Manual a nei thin a. Kuminah Pastord' Manual hi revised-in chhut that a ni a, tlangzarh hnu hian Pastor te hnenah hman theihin sem chhuah mek a ni.