Mizorama zosap Missionary lo chhuak te zinga Mizoram chhuahsan hnuhnung ber, Pi Zomawii (Miss Joan T. Smith) June 26, 2023-a thi, July 3, 2023 – India sona-a tlai dar 3:30 khan a pianna khua leh a lawina Kohhran Central Baptist Church Dundee, UK-ah vuina inkhawm (Funeral Service) neih a ni a. Vuina inkhawm hi Central Baptist Church Pastor- Rev. Jim Turrent in kaihruaiin, Pi Zomawii chanchin tlangpui leh thuchah a sawi.
Pu Lalrinawm Zadeng-in BCM atanga sunna thuziak- Genral Secretary charge la mek tu Rev. Dr. R. Lalthanmawia AGS-Mission in a ziak a chhiar chhuak a, Chhungkaw aiawhin Pi Zomawii tunu- Ashley-in thu a sawi bawk. Pi Zomawii vuinaah hian BCM aiawhin a kuang chungah pangar dah a ni a, hei bakah hian MTKP, MBKHP, BCM Serkawn leh BCM Chanmari, Lunglei te pawhin pangpar hi an dah a ni. Biak In-a vuina inkhawm neih zawh hian Birkhill Cemetery, Dundee ah phum a ni.
Pi Zomawii vui hun lai, June 3, 2023 tlai dar 3:30 ah tho hian Mizorama Missionary-a a rawn thawhna Kristian Hospital Serkawn-a thawktute chuan hun lo hmang ve-in Upa Dr. Lalramzauva, Medical & Health Dept. Director-in a kaihruai a. Upa Dr. K. Vanlallawma’n Pi Zomawii chanchin tlangpui tarlangin a rawngbawlna avanga lawmthusawina leh a kal san a chhungte tana tawngtaisakna Rev. Zonunvula Ralte Hospitla Chaplain-in a neih hnu-ah Tawngtairualna an nei bawk.
Pi Zomawii sunna leh a rawngbawlna avanga lawmthusawi-na hun hu BCM Tualchhung Kohhran tinah July 3,2023 (Pathiani) zing inkhawm-ah neih a ni tawh bawk a, he hunah hian Pi Zomawii chanchin tlangpui , Headquarters atanga ziak chu chhiar chhuakin, a rawngbawlna avanga lawmthusawina leh a kalsan a chhungte leh Kohhrante tana tawngtaisakna te neih a lo ni tawh a ni.
File Attached: Eulogy for Miss J.T. Smith from Baptist Church of Mizoram
Funeral Service
