Ramthim rawngbalwna chanchin

Lungchem Pastor Bial-ah Mission Convention neih a ni.

May 27 leh 28 hmang hian Lungchem Pastor Bial chuan Rev. Dr. R. Lalthanmawia AGS Mission Speaker-a hmangin BCM Kalvari, Changpui-ah Mission Convention an nei.

Inrinni zan, Pathianni zing leh Pathianni zanah te Speaker hnen atangin thuchah ngaihthlak a ni a, Speaker thuchah bakah Zaipawl te leh KNP Zaipawl te rawngbawlna ngaihthlak thin a ni bawk. Pathianni chawhnu-ah Mission pual Inpawlhona neih a ni a, AGS Mission leh Bial Mission Secretary te hnen atangin Mission rawngbalwna report ngaithla-in sawihona hun te neih a ni a, zawhna leh chhanna hun te hman a ni bawk.

 

Haulawng Bialah Mission Weekend Programme hman a ni.

May 28 (Pathianni) hmang khan Haulawng Pastor Bial chuan, Mission Weekend Programme BCM Bethel-ah an nei a. Speaker-ah  Rev. Lalremsiama Ralte, Mission Director an hmang. Hun tha tak hmangin Pathianni zing leh Pathianni zanah te Speaker hnen atangin thuchah ngaihthlak a ni a, Pathianni chawhnu-ah Mission pual inpawlhona neiin, sawihona leh zawhna leh chhanna hun te hman a ni. Bial chhung Kohhran hrang hrang atangin an kal tha hle a, Inkhawm-ah hian Zaipawl leh Special Item hrang hrang te a awm thin a ni.

 

Arunachal East Field:

# Dt 29th May 29,2023 khan Adi Baptist Union (ABU) centre ah Interdenominational forum chungchang zir hona neih a ni a, ABU pastorate Circle hrang hrang atangin  Kohhran hruaitute kalkhawmin, FD bakah Association hruaitute resource person atan hman an ni.

#Arunachal East Field hian kumin hian Adi Christian Hlabu tonic solfa awm chu chhut thar leh tumin hma an la mek a, hla thar thenkhat belhin leh a awmsa te siam that ngai siam thain Field director leh Pu.Zaithanmawia te kaih hruainain ngawrh takin hmalak mek a ni.

 

Arunachal Far East Field:

#Arunachal Far East Field, Namliang kohhran ten kumin 2023 Project a tana an neih Musical Training chu May 24 leh 25 hmang khan neih ani a. Music zirtirtu atan Field Director, Rev. Zd. Lalrozuala leh Mount Carmel School leh V. Lalnunpui, Mount Carmel School Teacher te hman an ni. He Trainng-ah hian Guitar tum dan leh a key hrang hrang hman dan te inzirtir a ni a,  zirlaite hi Kum 12 chin chunglam, Mipa 11 leh hmeichhia 9, an vaiin mi 20 an kal a ni. A ni hnihnaah hian an zir chin atangin Practical te tih nghalin, training-a kal ten hlawkpui an inti hle a, kham lo takin Training ni hnihna tlai lam dar 4;00 khan tawngtai rualna-in an khar ta a ni.

#June 3 khan Pu Buanga leh Sap Upa Memorial Hall ah Mission Consultation neih ani. Resource person atan Rev. ZD. Lalrozuala, Field Director leh Pu FP. Lalthathanga, E/T te hman an ni. He Consultation-ah hian BCM Missionary te le DLNBCA hruaitute leh thawktute, Circle Pastor leh Fellowship hruaitute an tel a ni. Mission chungchang leh kalphung te, Sawt leh tangkai taka rawngbawl dan tur te zirho a ni.

#May 29 - 31 khan Evangelist Quarters sak hnatlang neiin Missionary ten Namsai ah Workcamp an nei. Evangelist qrtrs tur hi Khuanghlum Kohhran, Pangzawl-in Rs. 50,000/- an tum sak a, missionary ten workcamp neiin an sa a ni.

 

Chhipphir Pastor Bial BMP-in Dulukma, Tripura Field-ah Work Camp an nei:

Chhipphir Pastor Bial BMP Member 9 (pakua) te chuan May 31 atanga June 1, 2023 chhung khan Tripura Field, Elem English School, Dulukma-ah Workcamp-in an kal. Tun tumah hian thawktu Missionary quarters inchung rangva hlui leh chhe rawp tawh tak chu rangva tharin an thlak sak vek a. Hei bakah hian Principal Quarters varandah an zauh sak bawk. An hna hi zo felin June 2 khan Tripura chhuahsanin an haw ta a ni. BMP Chhipphir Pastor Bial te chungah Elem English School, Dulukma-a thawktute an lawm hle a ni.

HATIM-in Adopted Village atan Zotluitlang thlangin, thawhhona thuthlung an ziak

HATIM-in Adopted Village atan Zotluitlang thlangin, thawhhona thuthlung an ziak

Kar hmasa Zirtawp ni, March 22, 2024  khan Higher and Technical Institute, Mizoram (HATIM) chu an Principal Pu Vuansanga Vanchhawng hovin tun hnaia Adopted Village atana an puan thar, Zotuitlang Lunglei District an tlawh a. Zotuitlang-ah hian khawtlang hruaitu, VC te, YMA leh MHIP hruaituten an lo dawngsawng a. VCP leh HATIM Principal te hian thawhhona thu thlung (Memorunduma of Understanding) ziakin an sign a ni. HATIM atangin Principal bakah zirtirtu pathum - Dr Lalhminghlua, Asst Professor, RTC  Lallianzela, Assf Prof, Pu Vanlalruata Kawlni, Sr. Assistant leh thawktu dang pahnih bakah zirlai 18 an kal tel bawk …

BCM Shalom, Mission Vengthlangin Medical Free Medical Camp an buatsaih

BCM Shalom, Mission Vengthlangin Medical Free Medical Camp an buatsaih

March 23, 2024 (Inrinni) khan an Kohhran Hall-ah Free Medical Camp hi an buatsaih a, an kohhran din champhaphak kum 25-na (Silver Jubilee) lawmna pakhat atana buatsaih niin, an kohhran member te bakah veng chhung mi engemawzat an inentir a ni. …

Baptist English School Extension Building sakna tur lung phum a ni.

Baptist English School Extension Building sakna tur lung phum a ni.

March 20, 2024 (Nilaini) zing dar 7:30 khan Baptist English School extension building thar sakna tur lungphum phum a ni a. Rev. L. Vanlalsanga, Education Director-in he hun hi kaihruaiin tanna hun a hmang a, Rev. R. Lalbiakliana, General Secretary-in BES extension ruahman a nih dan leh a tulna te sawiin, Upa Victor Lalrinawma Sailo, Director, Property Department in building sak dan tur ruahmanna te sawifiahin a tarlang. Rev. R. Lalnunzira, AGS-Service in building sakna tur lungphum phumin tawngtaina in a hlan a ni. …