#Hnathial Bazar Pastor Bialin Mission Convention an nei.

Hnahthial Bazar Pastor Bial  chuan July 7-9 hmang khan “Pa-in mi tirh angin kei pawhin ka tirh che u hi” (Johana 20:21) thupuia hmangin BCM Biak In Bazar, Hnahthial-ah Mission Convention-an nei a, Speaker-ah Rev. Dr. R. Lalthanmawia, AGS Mission hman a ni.

Mission Convention neih chhung hian Zirtawp zan, Inrinni zan, Pathianni zing leh Pathianni zanah te Pathian BiakInkhawm neih thin a ni a. Speaker thuchah  bakah Bial Zaipawl leh Kohhran Zaipawl te, Speaker tawiawmtu Nl. B. Lawmsangpuii te hnen atang in fakna hla ngaihthlak thin a ni. Pathianni chawhnu-ah Mission pual inpawlhona neih a ni a, Mission rawngbawlna chungchang zawhna leh chhanna hun te, Mission lam hmasawnna tur sawihona hun te hman a ni.

#MP & MS Field

July 3, 2023 khan Kristian Boys Hostel, Dharni chu hawngin Naupang 40 admit an ni. July 3, 2023 ni vek khan Dharni hmunah ringthar mi-9 lawmluh an ni a, Field Director Rev H. Lalremtluanga'n Sacrament buatsaihin a lawmlut a, he hunah hian nausen pathum hlanna neih nghal ani bawk.

#Bhutan Field

Bhutan Field hawn a nih ațanga a vawi khatna atan, Baptist Church of Bhutan Thalai Inkhâwmpui chu, July 11-13, 2023 khan BCB Samtse Town Church-ah neih  a ni a Speaker-ah thawktu pahnih - Pu Maenga leh Pu Siamtea te hman an ni a, Speaker pahnih bak ah hian Field Director-in a hmanpui a ni.. Inkhawmpui ah hian Țhalai mi 40 chuang lai an kalkhawm a, hlim takin hun an hmang a ni.

Assam Field

Missionary ten Kohhran tlawh chhuah programme an hman chu chhunzawm zelin 8-9, 2023  chhung khan Rabha Area, Assam lamah Kohhran tlawh Programme  siamin Missionary hote in thendarhin hun an hmang a, thupui atan Chhandamna tih hman a ni.

Arunachal West Field

July 8-9 hmang khan Nyishi Baptist Church Council (NBCC) Pathian thu zirna inpui, Arunachal Theological College (ATC), Moinhappa-ah a vawi khatna atan Retreat Programme buatsaih a ni a, he Retreat-ah hian Rev. Aibula Fanai, FD Arunachal West Field chu Speaker a ni a, Sermon ngaihthlak bakah zawhnan & chhanna hunte hman a ni a. Zirlai mimal harsatna nei te pualin Counselling Class buatsaih a ni bawk.

Arunachal East Field.

#Along hmuna Missionary quarters chu sak that mek a ni a. Missionary Along khaw hnai deuh a awmten work camp in he quarters hi an sa a ni. Quarters sak that nan hian BCM Rahsiveng chuan Cheng singnga an pe.

#July 8, 2023 khan Galo Baptist Union Mission Office, Tirbin chu Field Director Rev. Lalsangzuala Sailo in a hawng.

# July 9, 2023 khan Town Church Basar-ah Evangelist thar Karnya Basar tirh chhuahna inkhawm neih a ni a, Field Director in a tirchhuak a ni.

#Joseph.C.Lalsanglura, Bualpui 'Ng' chuan Jubilee Bible School, Sille-ah lecturer ni turin July 8 khan a hna a zawm. Ani hi BCM Bualpui 'Ng' leh Vairengte Pastor Bial ten an chawm dawn a ni.

Tripura Field

#July 4, 2023 (Thawhlehni) khan Laxman Jamatia, Gorjung khua chu field hmingin Rs10,000/- a ṭanpui a ni. Laxman Jamatia hi ringtu a nih avangin an khua ten an ensan a, spinal cord ṭhalo zai ngai a ni a, a pa hi a kal (kidney) pahnih chhia enkawl mêk a ni bawk.

Chakma Mission

1. July 10-22, 2023 chhung hian Chakma ṭawnga Bible lehlin mek endikin Content check workshop zoom meeting-a neih a ni a, tun ṭumah hian 1 Chronocles endik hna thawh mek a ni.

2.  Chakma Baptist Church Biak in salai mek an awm a, chungte chu CBC Jognasury, CBC Emmanuel, Chawngte 'C' leh CBC Zawlveng, Marpara te an ni.

3.  Kumin hi Baptist Boarding School (BBS) Chawngte kum 50-na a ni a. Golden Jubilee lawm tura inbuatsaih mek a ni. Committee peng hrang hrang siam a ni a, July 14, 2023 khan committee peng hrang hrangte ruahmanna thlir hoin committee peng zawng zawngte a huhoin  meeting neih a ni.