#Mission Convention hmun hnihah neih a ni
Buarpui Kohhran, Rev. Dr. R. Lalthanmawia, AGS-Mission speaker-a hmangin July 22 & 23 chhung khan Mission Convention an nei a. Thupui-ah II Korinth 5:20 thu “Krista aia palai” tih hman a ni. Mission Convention neih chhung hian Inrinni zan, Pathianni zing leh Pathianni zanah te Pathian Biak Inkhawm neih a ni a. Speaker thuchah bakah Kohhran Zaipawl, Group zai leh mimal zaithiam te hnen atang in fakna hla ngaihthlak thin a ni. Khawtlangah chhiat tawk an awm avangin ruahman sa angin Pathiani chawhnu Inpawlhona erawh chu neih theih a ni ta lo a ni.
#Hnahthial North Pastor Bial chuan "I Puan In hmun chu zauh rawh" Isaia 54:2 thupui-a hmangin July 22 leh 23 hmang bawk hian BCM Biak In, Hnahthial Electric-ah Mission Convention an nei a, Speaker hi Aizawl Central Pastor Bial Mission Secretary Upa Lalbiakzuala Aineh, Soloist Tv Oscar Zaihmingthanga Durtlang leh Speaker fapa Tv K.Ramdinpuia te bakah Dam lohna avanga chawl lai lawk, Tripura Field-a thawk, Missionary Nl MC Laldinglianin zaia rawngbawlna a nei bawk.
Inrinni zan, Pathianni zing leh Pathianni zanah te Speaker thuchah bakah Zaipawl hrang hrang leh mimal zaithiamte hnen atangin fakna hla ngaihthlak thin a ni a, . Pathianni chawhnuah Speaker hnen atangin Mission Focus thlirho a ni a, kohhranten an hlawkpui hle. Bial chhung Kohhran an tel tha hle a, Mission Challenge chhângtu pawh min100 chuang an ni
#Kolasib Kohhran-ah Missioanry pakhat Tirh chhuah inkhawm neih a ni.
July 23, 2023 (Pathianni) zing Inkhawm-ah Kolosib Kohhran chuan an Kohhran chawm-a Bairabi –a thawk tur Tirhchhuah Inkhawm an nei.
Missionary Tirhchhuah Inkhawm-ah hian Rev. Lalremsiama Ralte, Mission Director chu Presiding Minister niin inkhawm a kaihruai a. Tualchhung Kohhran Secretary-in Missionary hmelhriattirna neiin, Upa Pc Vanlalruata leh Upa K. Lalrinmawia ten Pathian thu an chhiar a, Missionary tirh chhuah tur Tv. K. Lalrinzuala hnen atangin testimony ngaihthlak a ni bawk. Presiding Minister-in Tirhchhuahna a neih zawhah thuchah a sawi a. Kolasib Pastor Bial Zaipawl leh Kolasib Kohhran Zaipawl te bakah Tv. R. lalhmingmawia ten pathian fakna hla an sa a, Rev. Joe Laldinpuia, Bialtu pastor-in Malsawm tanwgtaiin hun a khar a ni.
Mission Director hian Pathianni chawhnu-ah BCM Vengthar te, BCM Rengtekawn te a tlawh kual bakah, Manipur atanga Raltlan te tlawhin tanpuina a pe a. Pathianni zanah Diakkawn Kohhranah inkhawmin thuchah a sawi bawk.
#Chawngte East Pastor Bial-in Mission Weekend Programme an hmang zo ta.
Chawngte East Pastor Bial Mission Committee chuan Mission Weekend Campaign Programme a buatsaih kal zelah a tawp ber atan July 22 & 23 khan Shalom Kohhran, Chawngte 'P' –ah neih a ni.
Mission Weekend Campaign Programme ah hian Bialtu Pastor Rev. Lalramliana chu Speaker atan hman a ni a. Inrinni zan inkhawm-ah Arakan Mission Field reports chu Powerpoint Presentation hmangin Tv. Lalthanzuala, Bial แนฌKP Secretary hnen aแนญangin ngaihthlak leh thlirho a ni. He hun hman chhung zawng hian Bial Mission Committee hruaitute chuan Tualchhung Kohhran tinah an kalin Speaker hi an tawiawm thin a ni.
Mission Weekend Programme hi July 1 & 2 khan Mualbu 'L' Kohhran-ah neih a ni a, July 8 & 9 ah Gosen (New hmunlai) Kohhran-ah nei lehin July 15 & 16 khan Hmunlai Kohhran-ah neih a lo ni tawh a ni.
