June 2, 2023 (Zirtawpni) khan BKHP Shillong Pastor Bial chuan BCM Biak In, Shillongah tunlai khawvela Issue lian tak mai - neih inang inkawp leh LGBTQ chungchang-a Bible zirtirna leh Nu ho ten an fate hemi lama zirtirna an pek dan tur inkawhhmuhna leh zirhona (Seminar) an nei a, Resource Person-ah Bial BKHP President - Pi F. Lalengmawii an hmang.
Seminar hi hun hnih-ah thenin chawhma lamah Nl Daisy Zomuani. Vice President Bial BKHP –in a kaihruai a, chawhnu lamah Pi Tlaihlui , Executive Committee Members –in a kaihruai thung. Resource Person Pi F Lalengmawii'n Neih inang inkhawp leh LGBTQ Chungchang sawiin, Paper a buatsaih chu zirho a ni.
Resource Person, Pi Maengi chuan Neih inang inkawp (nupui/pasal-a innei) te, nihna thlak thleng (Transgender) te dinhmun leh Khawvel-in a en dan leh a pawm dan te, an lo pun zel dan te zau taka sawiin, ringtute chuan Khawvel thlirna atang ni lova, Bible zirtirna leh Thlrau Thianghlim hriattirna atanga heng thil hi kan hmachhawn a tul thu uar taka sawiin, kan fate pawh uluk taka zirtirna kan pek a tul thu a tarlang.
Paper zir zawh hian group ah inṭhen in sawiho na neih thin a ni a, Seminar-a kal ten hlawk thlak an tiin an lawm hle. Shillong Bial-ah hian BKHP Unit 6 an awm a, Unit 3 atangin member 30 chuang an kal khawm a, tlaiah zanriah an kilho nghal a ni. Shillong khawpawn lam unit 3 te chu lam a hlat tham avangin an tel thei ta lo a ni.
............
"Gender kan tih hi chi hrang hrang tunlai chuan awm ta tlat a.
Sex erawh chu pahnih chauh a awmin Pathianin a siam,chu chu mipa leh hmeichhia hi a ni.
Gen 1:27 ah chuan, ‘Tichuan, Pathianin ama anpuiin mihring a siam a, Pathian anpui ngeiin a ni a siam ni; mipaah leh hmeichiaah a siam a ni’ tih kan hmu a,
Gender chu duhthlanna a ni a,
sex chu kan pianpui a ni."
-F. Lalengmawii
