May 5-6, 2023 khan Pastor Bial hrang hrang ah TKP Meet hetiang hian hman a ni.

#ṬKP Serkawn Pastor Bial chuan Bial TKP Meet vawi 10-na, BCM Biak In Zohnuai East ah an nei a, Speaker ah Rev. F.Zorinkhuma Secretary, MṬKP hman a ni a, MṬKP hruaitu te Pu K. Lalawmpuia, Asst Secy leh Executive Committee member te - Nl. Nancy Lalmuankimi leh Pu Lalṭhakunga ten he Meet hi an hmanpui bawk.

Zirtawp zan atanga Pathiani zan thleng Pathian Biak Inkhawm hun pangngaiah neih thin a ni a. Speaker thuchah bakah Unit tin atangin zaipawl leh Group zai leh Mimal zaithiam te hnen atangin fakna hla ngaihthlak thin a ni. Pathianni chawhnu-ah Fellowship hun hlimawm tak hman a ni bawk.

#ṬKP Buarpui North Bial chuan BCM Biak In Dengsur-ah 'Țhalaite leh Tunlai Khawvel' tih thupui-a hmangin Bial ȚKP Meet vawi 3-na an nei a, Speaker-ah Upa R. Lalrochama, President MȚKP hman a ni. Meet hi MTKP executive Committee member te - Rbt. K. Zosiamliana leh Pu Lalhmunsiama bak ah C. Lalbiakkima Secretary, Aizawl Area ṬKP Coordniation Committee ten an hmanpui a, Nl. Sailo Lalsangzuali pawhin zaia rawngbawlna a nei ṭhin bawk.

Inrinni nilengin sports neih a ni a, items hrang hrang hmangin intihhlimna hun hman a ni a, ȚKP Member 200 vel an tel a ni. Pathianni chawhnu ah fellowship neih a ni a, he hunah hian Pu Lalhmunsiama Pautu, Executive Committee Member, MȚKP in 'Eizawnna ngel nghet' chungchanga zirtirna a nei bawk .

#TKP Zotlang Pastor Bial, Lunglei pawhin BCM Biak In, Pukpui-ah ṬKP Meet & Crusade an hmang a. Thupuiah Amosa 4:12 thu "I Pathian Tawk turin Inpeih rawh" tih hman a ni a, Rev. Joseph Vanlalruata (Bialtu Pastor) leh Pro Pastor Lalruatdika Pautu te Speaker niin, an hnen atangin thuchah ngaihthlak thin a ni.

Meet chhung hian unit hrang hrang te Bible Quiz hmanga inelna neih a ni a. "Thalaite leh mahni intodelh" tih chu Pu H.P Lalremtluanga (Lecturer, DIET) kaihhruaina-in zirho a ni bawk.