#ṬKP Lawngtlai North Pastor Bial-in ‘Bial Meet Cum Sport’s an nei
May 19-21, 2023 chhung khan ṬKP Lawngtlai North Pastor Bial chuan 'Lalpa phût' (Mika 6:8) tih thupuia hmangin Bial TKP Meet Cum Sports an nei a. Speaker-ah Rev. Lalbiakhlua Chawngthu (Bialtu Pastor) an hmang.
Zirtawpni zanah BCM Biak In Electric Veng-ah Lengkhawm zai leh Quiz hmangin Unit intihsiakna neih a ni a. Inrinni nilêngin TVJ Futsal Ground-ah infiamna chi hrang hrang neih a ni a. Inrinni Zan, Pathianni zing leh Pathianni zan-ah te Pathian Biak inkhawm neiin, Bial chhunga Unit tin atangin Zaipawl leh mal zai (solo) te, Lawngtlai Area Baptist Choir leh Lawngtlai North Bial Zaipawl te hnen atanga zaia rawngbawlna te ngaihthlak a ni bawk. MṬKP, LAṬKP Co-Ordination Committee, ṬKP Lawngtlai South Bial leh ṬKP Lawngtlai East Bial aiawh ten he Meet hi hmanpuiin, chibai bukna an sawi theuh bawk.
.jpeg)
#ṬKP Phawngpui South Pastor Bial-in Sports Meet leh Fakna Inkhawmpui an nei.
May 18-21, 2023 chhung khan ṬKP Phawngpui South Pastor Bial te chuan, BCM Biak In, Bualpui (Ng) ah 'Pathian hnaih' tih thupuia hmangin Sport Meet leh Fakna Inkhawmpui an nei a. Speaker atan Rev. Lalhruaia Chenkual, Bialtu Pastor an hmang.
Zirtawp zan atangin Fakna Inkhawmpui hi hmang tanin, Inrinni zan leh Pathianni-ah te hun hman a ni a, Inkhawm apiangin Speaker hnen atangin thuchah ngaihthlak ṭhin a ni. He hunah hian Pathian thu leh hla hmanga inpawlhona bakah, Inrinni-ah Sport item hrang hrang hmangin intihhlimna neih a ni a, BCM chanchin leh Kristian Hlabu aṭangin Quiz neih a ni bawk.
.jpeg)
#ṬKP Bungtlang South Pastor Bial-in Bial huap Bible Quiz an buatsaih
ṬKP Bungtlang South Pastor Bial te chuan Bial TKP Rorel vawi -21-na thu pass bawhzuiin, May ni 20, 2023(Inrinni) khan BCM Biak In, M.Kawnpui-ah BIAL HUAP BIBLE Quiz Competition an buatsaih a. He Quiz competition ah hian Upa JF Rozawna, Sr.Adviser Bial ṬKP chu Quiz Master niin Chanchin ṭha bu pali, Mathaia, Marka, Luka leh Johana ziak te aṭang te in elna hi buatsaih a ni a, M.Kawnpui Unit te chunpakhat niin Elim Unit te pahnihna an ni a, Bungtlang South Unit te chu pathuamna an ni.
#ṬKP Thenzawl Pastor Bial Inkhawmpui neih a ni.
May ni 19 - 21, 2023 chhung khan ṬKP Thenzawl Pastor Bial te chuan 'Muhil thawhharh a hun' - Rom 13:11 tih thupuia hmangin Inkhawmpui vawi 11-na leh Rorel vawi 27-na BCM Biak In, Thenzawlah an nei a. Speaker atan Rev. Lalbiakenga, JBS Principal an hmang.
Zirtawp zan, Inrinni zan, Pathianni zing leh Pathianni zanah te Pathian Biak Inkhawm neih a ni a, Inrinni chhun-ah Rorel a ni. Inkhawmpui chhung hian Unit hrang hrang atangin Zaipawl, Group zai leh Mimal zaithiam te zai ngaihthlak thin a ni. Pathianni chawhnu-ah Lalpa zanriah kilhovin Rev. David Lalmalsawma, Bialtu pastor-in a buatsaih a, Pathianni zan inkhawm banah Inkhawmpui hi an tiak a ni.
.jpeg)
#Aizawl Area ṬKP Hruaituten ṬKP Maubawk Unit an tlawh
May 22, 2023(Thawhṭanni) zanah khan Aizawl Area ṬKP Hruaitu ten ṬKP Maubawk Unit an tlawh a. Area ṬKP hruaitu 4 kalin Mission Vengthlang Pastor Bial ṬKP Hruaitu mi 12-in Area ṬKP hruaitute hi an ṭawiawm a ni.
Aizawl Area ṬKP aṭangin Tv PC Laldingngheta, Executive Committee member-in report a pe a, Rbt Lalduatpuia, Executive Committee member in 'Rawngbawlna' tih thupui hmangin infuihtharna thuchah a sawi. Maubawk Unit member 61 inkhawmin, Tualchhung Kohhran hruaitu ten an tawiawm bawk.
.jpeg)
