Kum dang ang bawkin “Kristian chhungkaw Chawlhkar” chu May 12-18, 2025 chhung hian Tualchhung kohhran tin leh chhungkaw tinah hman a ni leh dawn a. Hemi chawlhkar-a chhungkaw thu zir tur Rev. R. Lalrinliana ziak Kristian Chhungkaw chungchang zirlai 6 awmna pawh Headquarters atangin Pastor Bial hrang hrangah chhungtin te daih tura sem chhuah tawh a ni.
April 14, 2025 (Thawhtanni) khan Shillong khawpui chhunga Zo hnahthlak Kohhran hrang 6 kalkhawm te’n an rel angin, April 27, 2025(Pathianni) khan TLM Chapter 35-na ni turin BCM Biak In, Madanrting-ah hawnna inkhawm neih a ni. TLM Shillong Chapter hi Rev.TC.Zodinsanga, ES, TLM Mizoram in a hawng a, hruaitute Pathian hnena hlanna leh tawngtaisakna Upa H. Thanzuala, Secy. TLM Campaign Committee Mizoram-in a nei bawk.
May 4, 2025 (Pathianni) hi Baptist Mipa Pawl (BMP) din champha phak vawi 45-na a ni a, BMP awmna Unit tinah thupui Headquarters atanga thupui thlan sa “Thlenchin atanga hmasawn” ( Philippi 3:16) tih hmangin hun hman a ni ang. Mizoram BMP hruaitu te pawhin Unit hrang hrang-ah hetiang hian BMP Day hi an hmanpui ang.
May 2, 2025 Zirtawpni kha Baptist Kohhran Hmeichhe Pawl (BKHP) din champha phak vawi 87-na a ni a. Kumin BKHP Day thupui chu “Lawm chunga Lalpa rawngbawl” (Sam 100:2) a ni. MBKHP lam atanga ruahman leh ngenna an siam angin hemi ni zing kar leh chhun lama hun hmang theite chuan Khawtlang tana thil tha tihna atan hmangin khawlai tihfai hna te an thawk a, zan lam-ah BKHP Day pualin inkhawmin, thupui thlan sa hmangin thuchah ngaihthlak a ni. Hemi Ni pual inkhawm thawhlawm hi Tualchhung Kohhran harsa zual tanpui nan hman tura ruahman a ni.
April 23, 2025 (Nilaini) khan Kristian Naupang Pawl Din champhaphak (KNP Day) vawi 82-na hman a ni . Kumin KNP Day hi School chawlh lai anih loh avangin tualchhung kohhran thenkhat chuan zan inkhawmnaah KNP pualin hun an hmang a. KNP te’n item hrang hrang an entir bakah thuchah sawitute pawhin thupui awm sa “Thuawihna (Kolossa 3:20) ” tih thu hmangin thuchah an sawi.
April 27, 2025 Pathianni hi Mizoram Baptist Kohhran Ni pawimawh (Special Sunday) “Buhfaitham Pathianni” a ni a, Kolossa 3 : 24 thu “Lalpa Krista rawng in bawl a nih hi” tih chu thupuiah hman a ni.
Christian Hospital Serkawnin Mizoram Universal Health Care Scheme (MUHCS) zawm leh zawm loh chungah Hospital Management Committee-in Committee sang zawka thlen tura, a rel bawhzuina kal zelah nimin April 22, 2025, Thawhlehni chawhnu dar 2:00 khan BCM Headquarters Office, Committee Room No 1-ah BCM Puipate, Medical & Health Director, Senior Doctor-te leh Mizoram Health Care hotute chu Mizoram Universal Health Care Scheme (MUHCS) chung chang sawi hovin an thukhawm.
April 14, 2025 khan Shillong Pastor Bial chhunga kohhran hrang hrang te leh Shillong chheh vela Zo hnahthlak hrang hrang te chu Rev. PC. Lalropuia, Bialtu Pastor Shillong Pastor Bial chuan Baptist House Meeting Hall, Shillong-ah ko khawmin meeting a neih pui.
15 April, 2025 khan Dept. of social work, HATIM te chuan BSW zirlai te tan Career talk an buatsaih. Resource person atan Irene Lalruatpuii Chinzah, Sea-farer, Disney Cruise Line Company, USA chu hman a ni.
April 15, 2025 (Thawhlehni) chawhnu 2:00 khan BCM Headquarters, Serkawn Committee Room No. 1-ah Headquarters office-a Department Head chinte tan Orientation neih a ni.
Tun kar Zirtawpni, (April 18, 2025) hi Khawvel puma Kristiante ni pawimawh ber zing ami "Good Friday" a ni a, (April 20, Pathian Ni) hi Isua Krista Thawhlehna Ni (Easter Sunday) a ni bawk. He hun ropui tak hi Mizoram Baptist Kohhran chuan serhin Good Friday Eve zan atangin Zoram pumah Kohhran hote’n Good Friday Programme an hmang dawn a ni. Pathianni-ah Easter Sunday programme hman a ni leh ang. Hemi a nih avang hian Kohhrana thawktute pawh April 17–21 Good Friday leh Easter chawlh an hmang dawn a, hemi hun chhung hian Hqrs Office dawr theih a ni dawn lo a ni.
April 13, 2025 (Pathianni) hi Kohhran ni pawimawh – Tumkau Pathianni (Palm Sunday) a ni a. He Ni hi khawvel pumah Kristiante chuan urhsun takin an hmang thin a. Mizoram Baptist Kohhran pawhin Kohhran Nipawimawh zingah telhin urhsun takin kan hmang thin a ni. Kumin Tumkau Pathianni thupui chu ‘I thinlungah Krista chu Lalah ruat rawh u'. (I Petera 3:15) a ni ang.
Tun kar Zirtawpni, (April 3, 2026) hi Khawvel puma Kristiante ni pawimawh ber zinga mi "Good Friday" a ni a, (April 5, Pathian Ni) hi Isua Krista Thawhlehna Ni (Easter Sunday) a ni bawk. He hun ropui tak hi Mizoram Baptist Kohhran chuan serhin Good Friday Eve zan atangin Zoram pumah Kohhran hote’n Good Friday programme an hmang dawn a ni. Pathianni-ah Easter Sunday programme hman a ni leh ang. Hemi a nih avang hian kohhrana thawktute pawh April 2–6 chhung Good Friday leh Easter chawlh an hmang dawn a, hemi hun chhung hian Hqrs Office dawr theih a ni dawn lo a ni. …
March 26, 2026 hian BKHP Sethlun Unit te chuan Pangpar khawi training R&D Department te an sawm angin an neihpui. Pi Lalhmingi Sethlun Unit Executive Committee Member chuan tanna hun hmangin, Rbt.Lalrinawma Co-ordinator R&D Dept. chuan R&D Department rawngbawlna hrang hrangte sawi zauna a neih bakah, Pangpar khawi thiam hi Kohhran tin te’n kan mamawh zia leh programme lian thamah te pawh a tangkai thin zia te tarlanna a neih bakah, R&D Dept. te hian pangpar khawi Training an buatsaih dan te, mithiam zawk te training pe tur atana an sawm dan leh kohhran ho te’n an hlawkpui dan te a sawi. …
Welcome
The Baptist Church of Mizoram is honoured to present this website that helps us to better understand and spread the Gospel of The Lord..
