June 4-5 hmang khan ṬKP Pukpui Unit chuan kum 75 an tlin champhaphak - Platinum Jubilee an lawm a. Speaker-ah Rev. F. Zorinkhuma, Secrcetary, MTKP an hmang. Jubilee hawnna hi June 4, 2025 Thawhtan zan ar 7:00 -ah Chawngbawla Hall-ah hman a ni a, Rbt Joseph Lalrindika’n kaihruaiin, Upa Vanlalsanga, Senior Adviser-in Jubilee hawngin Jubilee mei a det a. Rbt. F. Vanlaldika’n Jubilee Souvenir tlangzarhin, Zotlang Pastor Bial Zaipawl ten fakna hla an rem bawk. Hemi zawh hian Praise & Worship neih zui a ni.

June 5, 2024 (Nilaini) khan Higehr & Technical Institute of Mizoram, HATIM chuan Zirlai chhuak turte thlahna (Valedictory Ceremony), KT Multipupose Hall, Kawmzawl-ah neiin, khuallian-ah Lunglei Bawrhsap Pi Ramdinliani, IAS an hmang.

May 29 - June 1, 2024 hmang khan Melaka, Malaysia -ah kum nga dana neih thin - Asia Pacific Baptist Youth (APBY) Conference vawi 18-na chu tluang takin neih a ni a. Asia ram hrang hrang atangin Palai leh chhimtu an kal khawm tha hle. Conference hming-ah hian "APBY 'Be' Conference 2024" tih niin, Thupui hi Kolossa 3:16 thu tlawh chhanin, “Krista-a rinna nghet taka vuan tur leh khawvel-a chhi eng tur te, Krista hnungzuitu dik tak ni tur te, Pathian min pek kan talent te hmanga zau zawka Pathian rawngbawl tur te, Ringtu pui te leh rawngbawlpui te nena thawhhona leh inpawhna tha zawk siam te a ni.  Heng thupui then hrang hrang hmang hian thuchah ngaihthlak thin a ni a, Seminar leh Workshop-ah te thupui then hrang hrang zirhona neih thin a ni bawk.

Dibang Lohit Namsai Baptist Church Association (DLNBCA) Hruaitute - Toding Ratan - President, Kenli Riba - Vice President leh James Litin – Executive Secretary, DLNBCA te chuan May 29 - 31  chamin Mizoram-ah an lo kal a. DLNBCA hruaitute hi Rev. ZD Lalrozuala, Field Director, Arunachal far-East Field-in a rawn hruai.

May 24-26 khan Evangelical Church of Maraland (ECM) leh Congregational Church of India, Maraland (CCIM) te Inpumkhatna tura Special Assembly, ECM Local Church, New Siaha-ah neih a ni a. He Special Assembly-ah hian BCM chu palai tur leh an inremna hriatpui tura BCM an sawm angin, BCM aiawhin Rev. R. Lalnunzira AGS (Service) , Rev. TC Vanlalmalsawma (Lawngtlai East Bial) leh Upa F. Aihranga Serkawn te palaiin an tel.

May 24-26 hmang khan BKHP Pangzawl Pastor Bial chuan BCM Biak In, Khawngbawk-ah BKHP Seminar an buatsaih a. Speaker leh Resource Person-ah MBKHP hruaitute   - Pi Zohmangaihi, Finance Secretary leh MBKHP Executive Committee Member pahnih - Pi ZD. Lalliansangi leh Pi T. Lalawmpuii te an hmang.

May 25 (Inrinni) khan Republic Vengthlang Pastor Bial chuan Bial chhung-a Kohhran Hruaitu - Upa leh Rawngbawltute bakah an kawppui te pualin Seminar an buatsaih a. Speaker & Resource Person atan Pu Lalruatkima, Administrative Officer an hmang. Upa leh rawnbgltute leh an kawppui te nen mi 60 vel an tel thei a ni.

Vawiin, May 29, 2024 (Nilaini)hi Mizoram Baptist Kohhran Ni pawimawh (Special Day) “TKP Ramthim Ni”a ni a. Kumin TKP Ramthim Ni thupui chu “Krista hmangaihna chuan min tir lui a ni” (II Kor. 5:13-15) tih a ni.  TKP Ramthim Ni-ah hian MTKP atanga ruahmanna an siam zul angin Unit tinah inkhawm leh tawngtai programme te siamin, urhsun takin hun an hmang thin a, Mission rawngbawlna lama Thalaite cho thar leh nan te, Missionary te puala tawngtai leh Tawngtai programme te siam thin a ni.

May 29 - June 1, 2024 hian kum nga dana neih thin - Asia Pacific Baptist Youth (APBY) Conference vawi 18-na chu Melaka, Malaysia -ah neih a ni dawn a. Asia ram hrang hrang atangin Palai leh chhimtu an kal khawm dawn a ni.

Asia Baptist Pacific Baptist Federation buatsaihin APBF rawngbawlna peng hrang hrang aiawh te inrawnkhawmna (Team of Consultation 2024) chu  May ni 26 atang hian Melaka, Malaysia ah neih a ni dawn a, he consultation a tel tur hian General Secretary - Rev. R. Lalbiakliana, AGS-Mission - Rev. Dr. R. Lalthanmawia, Rev. L. Vanlalsanga, Director R&D leh Pu Lalrinawma, Coordinator, R&D te an kal ang.

May 22, 2024(Nilaini) khan Mizoram Ṭhalai Kristian Pawl Executive Committee Meeting Vawi 547 (13 of 2022-2025) chu BCM Kikawn Committee Hall-ah tluang taka neih a ni a, Upa R. Lalrochama, President MṬKP –in meeting kaihruaiin, MṬKP Secretary Rev. F.Zorinkhuma'n MṬKP hmalakna hrang hrang leh thurel umzui dan report a pe a. Report kim chang hi rorel member te hnenah ziaka sem a ni.

May 23, 2024 (Nilaini) khan Aizawl Central Pastor Bial BKHP te chuan BCM Biak In, City Church –ah Leadership Training cum Retreat programme an hmang a, Resource Person-ah Nl. Lalhmingmawii Chongthu – Secretary MBKHP leh Dr. Zoramthangi, Executive Committee member te hmangin, Aizawl atangin MBKHP Executive Committee member pahnih Pi C. Kapnguri leh Pi Elizabeth Lalawmpuii ten an tawiawm bawk. Bial chhung Unit hrang hrang atangin BKHP member 96 zet an kal khawm a ni.

May 17-19,2024 hmang kh^n North East India Christian Council (NEICC) 4th Biennial Session  chu Jalukie Town Local Baptist Church, Nagaland-ah neih a ni a. He Inkh^wmpui-ah hian BCM hruaitute - NEICC hruaitu ni bawk - Rev. R. Lalnunzira, President, NEICC te, Rev. Dr.Lalz^rliana–Peace and Justice Committee member, Rev.ZD.Rodingliana Executive.Committee member  leh Upa Dr Lalzirmawia Chhangte, Executive Committe member te, NEICC-WA Secretary Nl. Jessie  Lalramn>li leh Executive Comittee.Member Pi V. Biakl^wmi te chu NEICC hruaitu nihna-in an kal

May ni 17 - 19 hmang khan Mizoram Baptist Kohhran, Kanaan, Hnahthial chuan Pu T. Ngahksanga, Mission Promoter Speaker-a hmangin Mission Convention an nei a. Convention thupuiah Marka 10:15 thu tlawhchhanin “Chanchin Tha hi hril rawh u” tih chu hman a ni.

April 18, 2024 (Pathianni) hmang khan BCM Biak In, New Serchhip-ah Sunday School Training leh Seminar hi neih a ni a. Zirtirna petu (resource person) atan  Sunday School Trainer te - Upa HS.Lalhmingthanga leh Upa R. Lalrintluanga  te hman an ni.  Sunday School Trainer pahnihte hian chan insemin zirtirna an pe a, Upa R. Lalrintluanga’n ‘Sunday School pawimawhna’ tih thupui hmangin zirtirna a pe a, Upa HS Lalhmingthanga’n “Sunday School zirtirtu tha’ tih thupui hmangin zirtirna a pe bawk. He hunah hian Bial chhung Kohhran hrang hrang atangin Sunday School puipate leh Zirtirtu mi 79 an tel thei a ni.