October 19, 2025 Pathianni hi 'North East India Christian Council Ṭawngţai Ni' (NEICC Day of Prayer) atan hman a ni dawn. He ni hi North East India Christian Council hnuaia Kohhran hrang hrang te chuan kum tinin urhsun takin an hmang ţhin a ni.

BCM Pastor dilna Form a hnuaiah hian Download theihin a awm e.

October ni 9-12, 2025 chhung hian BCM Chhipphir Pastor Bial chuan Bial inkhawmpui vawi 49-na leh Golden Jubilee lawmna hun BCM Biak In Chhipphir-ah an hmang. He inkhawmpuiah hian Rev. Dr. H. Lalthlamuana, General Secretary chu Speaker atan hman niin, "Hei leh chen hi Lalpan min pui a ni" (I Samuela 7:12) tih chu thupui-ah hman a ni.

Department of Social Work, HATIM chuan kumtina 3rd Semester, BSW zirlaite tana an buatsaih thin 15th Rural Camp chu kumin atan 23rd - 30th September, 2025 chhung khan Vaisam, Lunglei District-ah neih a ni.

KNP  Serkawn Unit-te chuan October 3, 2025 zirtawpni zan khan riak lutin, Camping an nei. Camp hi Inrinni tlaiah an chhuak a ni. Zirtawpni zanah Tawngtai chungchang sermon ngaihthlak a ni a, Sermon inkhawm zawhin movie night hman chhunzawm a ni. Christian movie tha leh zirtir nei tha tak tak en ho a ni a. Naupang te’n nuam an ti hle.

October ni 4, 2025 ( Inrinni ) khan Council of Churches in Mizoram (CCM) buatsaihin Serchhip Kawnpui Kohhran Diamond Jubilee Hall-ah Seminar neih a ni.

October 9, 2025 (Ningani) khan School of Nursing, Christian Hospital, Serkawn chuan General Nursing & Midwifery (GNM) batch tharte pualin Capping & Lamp Lighting leh GNM zirchhuak te tirhchhuahna ‘Graduation Service’ an hmang. He hunah hian Rev. Vanlalmuankima Associate General Secretary- Service chu khuallian a ni.

Mizoram Baptist Kohhran Bial hrang hrang te chuan October ni 10-12, 2025 chhung hian Bial Inkhawmpui an nei dawn. October ni 10-11, 2025 chhung hian Pastor Bial eng emaw zatin Bial rorel neiin hun an hmang bawk ang. Bial thenkhatah chuan Bial Inkhawmpui nei lovin Bial rorel chauh neih tur a ruahman a ni.

October Ni 3 atanga ni 5, 2025 chhung hian Saisawm Sazai Baptist Association Thalai Krist Pawl (SSBATKP) Inkhawmpui Vawi 19-na St. James School Hall, Gongrai-ah neih a ni.

ṬKP Aizawl West Unit, Dinthar te chuan Aizawl City ṬKP Invitation Volleyball Tournament an buatsaih. He tournament hi Mipa leh Hmeichhia Team tel theih tura buatsaih a ni.

BKHP Farm Veng Unit ten R&D Department te an sawm angin October 2, 2025 (Inrinni) khan Pangpar khawi training an neihpui. Rev. RC. Lalthanzama, Director, Relief & Developement Department in hunserh a hmang.

October Ni 3 atanga ni 5, 2025 chhung hian Saisawm Sazai Baptist Association Thalai Krist Pawl (SSBATKP)  Inkhawmpui Vawi 19-na St. James School Hall, Gongrai-ah neih a ni. He khawmpuiah hian “I siamtu hre reng rawh” (Thuhriltu 12:1) tih thupui hman a ni.

September 30, 2025 (Thawhlehni) zing Dar 10:30 khan  BCM Headquarter Office, Sap Upa leh Pu Buanga Hall, Serkawn-ah Self Help Group Management Training neih a ni.He hun hi Nl. T. Lalfawnveli Asst. Co-ordinator R&D Dept. in a kai hruai a, Rev. Vanlalmuankima Associate General Secretary in Pathian hnena in kawltirna hun a hman zawhin Rev. RC. Lalthanzama, Director Relief & Development Department chuan R&D hmalakna hrang hrang sawiin, Relief hna a thawh dan leh hmasawnna atana skill training hrang hrang a kalpui dan te sawifiahin, SHG hi Lydia project hnuaia hmalakna a ni a, hmeichhia intelkhawm te tihhmasawnna tura hmalakna a nih thu a sawi bawk.

October 1, 2025 khan Headquarters Office, Serkawn Sap Upa leh Pu Buanga Hall-ah BCM hnuai a thawk lai, Probationary Pastor kum khatna, kum hnihna leh kum thumna te chuan Annual Exam an nei a, tun tumah hian kum khatna mi 5, kum hnihna mi 5 leh kum thumnaah mi 9, an vaiin mi 19-in exam hi an bei a ni.

September 30, 2025 (Thawhlehni) zing Dar 10:00 khan BCM Hall, Headquarters Office, Serkawn-ah Kohhran Upa Exam Result 2025 tih chhuah a ni a. Rev. T. Lalsangvunga, Director, Pastoral Ministry Department in he hun hi kaihruaiin, report tlangpui a pe nghal. General Secretary Rev. Dr. H. Lalthlamuana’n Result tlangzarhna leh Pathian hnena lawmthusawina  neiin, hun tihtawp a ni.