July 25, 2024 (Zirtawpni) zing khan BCM Hall, Headquarters Office, Serkawn-ah kumin 2025-a Beirual Thuzir tur ‘Kohhran’ tih chu Rev. Dr. H. Lalthamuana General Secretary-in Pathian hnenah hlanin a tlangzarh.

July 15, 2025 (Nilaini) khan TB Mukt Bharat Abhiyan Campaign kalpui mekah CMO Lunglei District Staff-te chuan BCM Headquarters Office-ah thawktute tan Free Clinic an neih chilh.

July 11, 2025, (Zirtawpni) khan Mizoram Baptist Mipa Pawl Executive Committee meeting chu BCM Ramthar Kohhran Committee Room-ah neih a ni. Meeting-ah hian member-te an kal ṭha hle. Report hrang hrang, Secretary report, Treasurer report, Finance Secretary report leh Environment committee report te ngaihthlak a ni.

Financial Year liam ta, Kum 2024-2025 a BCM pawisa lut leh chhuak endik hna (Internal Audit) zawh fel a nih hnu-in Tunkar Thawhţanni, July 12, 2025 (Inrinniah) atang khan Statutory Auditors – Chartered Accountant, NC Das & Company, Guwahati-te chuan BCM hnuaia Account zawng zawng BCM Headquarters office, Serkawn Meeting room no 1-a Audit an neih chu, July 19, 2025 ( Inrinni) hian zawh fel tum a ni.

BCM Relief & Development Department 16th July, 2025-a thukhawm chuan Canadian Baptist Ministries Project hnuaia Field Facilitator hnathawktur a la thar a. 21st July, 2025 (Monday), Dar 11:00 AM-ah Director, Relief & Development Dept. hnenah Joining Report a pe ang.

Higher and Technical Institute, Mizoram (HATIM) chuan July 10, 2025 (Ningani) khan K. Liantawna Hall, Kawmzawlah Mizoram University hnuaia Under Graduate Examination 2025 a University Top 10 rank holders te chawimawina (Felicitation) Programme an hmang.

July 13, 2025 (Pathianni) hian BCM Choir (2025-2028) lakluh inkhawm (Induction Service) Rahsiveng Biak In-ah neih a ni dawn. He hun hi Rev. K. Lalnunsanga Director, Worship Dept. in a kai hruai anga,  BCM Choir (2022-2025) Kal chhuak te’n  zaia rawngbawlna hun an hmangin, Pi R. Zonunsangi’n BCM Choir kal chhuak tate thilpek hlanna hun a hmang nghal anga, Rev. Lalhmunsanga Director, Communications Department leh Rev. RC. Lalthanzama Director Education Department te’n kal chhuak tate thlahna thilpek hlanna hun an hmang ang.

Rev.H. Killuiaia Kum 87- chu July 11, 2025 (zirtawpni) zinglam Dar 1:00 khan Trinity Hospital, Aizawlah a boral.Rev.H. Killuaia hi August 20,1939-ah Chawnhu khuaah a pianga, a pa hi Mangsaia a ni a, A nu hi Lawngdawhi a ni. Unau Mipa 13 leh Hmeichhia 3 an ni a, Rev. H. Killuiaia hi Unau 16 zinga Pakua na a ni. A naupan lai aţanga naupang chak leh hrisel, huaisen tak, a thil tih tum tawh chu hlawhtlin ngei ngei tum mi a ni.

Tv. Zodingliana (Driver) Executive Secretary Office, Lawngtlai June 17, 2025 Zan Dar 6:20 a boral chu July 8, 2025 (Thawhlehni) chawhnu Dar 1:00 khan BCM Workers Condolence Scheme (WCS) hruaitute leh Lawngtlai Area-a BCM hnuaia thawktu te’n an chenna in Thingkah-ah ralna hun an hmang.

BWA Congress, tuna Brisbane Australia a neih mekah July 11, 2025 Zirtawpni khan Asia Pacific Baptist Federation term thar hruaitu thar turte puanzarna leh hlanna hun hman a ni a. APBF Chairman thar hi AK Lama (India) a ni a. Asia Pacific Baptist Youth (APBY) Chairman thar atan Upa Jacob Vanlaltana Khiangte s/o Lalthazuala Khiangte (L) Sethlun, Lunglei, (Vengthar, Kolasib a lawi mek) chu thlan a ni. Mizo zinga he dinhmun luah hmasaber tur hi a ni.

South Vanlaiphai Pastor Bial MBMP Inkhawmpui Organising Commttee-te chuan kum 2026-a MBMP Inkhawmpui an dawl tur inbuatsaihna hrang hrangte thlirin June 28, 2025 (Inrinni) khan South Vanlaiphai Pastor Bial Committee Room-ah Meeting an nei.

July ni 6, 2025 Pathianni hi Mizoram Baptist Kohhran Nipawimawh, “Mission Sunday” a ni a. He ni hi kum tin, July Pathianni hmasa berah hman thin a ni. Kumin Mission Sunday-ah hian thupui chu II Lelte 7:9 thu “Hawh u, lal chhungte I hrilh ang u” tih hman a ni ang. Mission Sunday-ah hian Kohhran hote Ramthim rawngbawlna lama intih chak tawnna tur leh Pathiam ram ţulna te in kawhhmuhna atan hman ţhin a ni a, kuminah pawh Bial leh Tualchhung Kohhran engemawzatin Mission Convention leh Mission Programme an buatsaih a ni.

Christian Medical College, Vellore, Council Meeting July 3 & 4, 2025 khan neih a ni a, BCM aiawhin Rev. Vanlalmuankima AGS-Service leh Upa Dr. B. Laldinliana, Director, Medical & Health Department Christian Hospital Serkawn te an kal.

BCM Assembly rorel thu passed bawhzuiin June 28 & 29, 2025 (Inrinni nileng leh Pathianni) khan Tuipui 'D' ah tleirual pualin ruihhlo do campaign neih a ni a. Resource person atan Rbt. FH .Lalengmawia chu hman ni.

June 28, 2025 (Inrinni) khan BCM Pukpui Biak In-ah Upa leh rawngbawltute bakah FD Executive Committee member chinte pualin “Kohhran humhalh” tih thupuia hmangin Seminar neih a ni. Resource person atan General Secretary Rev. Dr. H. Lalthlamuana chu hman a ni.