CHRISTIAN EDUCATION DEPARMTENT HRIATTIRN
|
Christian Education Dept. chuan Nursery Kaihruaina Bu thar buatsaihin, BLP in a tichhuak ta a, a lawawm hle. Hei hi a nei hmasa a piangin Nursery Pawlah Kaihhruaina Bu a tan hman a ni nghal ta e.Syllabus a awm hranpa loh avangin a remchan dan anghin, hruaituten Nursery Pawl kaihhruaina a tan an hmang mai ang.Tin, he lehkhabu hi kumtin a thara thlak tur a nih loh avangin, a bu kawm chhunga 2016 inchhu hi a pawimawh ber lo. Printing Press lamin an lo dah ve mai a ni e.Sd/- Rev.V.Vanlalchhunga
Director
Christian Education Dept.
KOHHRANTE HRIATTUR PAWIMAWH
|
|
Tun lai hian Bible Society of India kut chhuak Mizo Bible kan hman lai hi sawihnawmna leh hmantlak
loh ang thawthanga sawinate a awm a. Hemi chungchangah hian Bible Society of India-a thawkho Mizoram Kohhran hrang hrang hruaitute inrawnkhawmna September 28, 2015 a neih chuan kan Bible hman lai lehlinna atana hman Bible te kha rintlak a nihzia a zir chiang a. Chuvangin kan Bible hman lai hi a tha kan ti a, Pathianin a hmang reng a ni tih kan pawm a. Kohhran inkhawmah leh Inpawlhonaahte Bible Society of India kut chhuak ngei hi hman zêl tur a ni, tiin resolution siam a ni a.
He inrawnkhawmnaah hian Pawl hrang hrang aiawh 11 atangin mi 86 kal khawm a ni a. Mizoram Baptist Kohhran pawhin he resolution hi kan ngaih dan a ni a; BCM Biak in khawiah mah BSI kutchhuak ni lo Bible lehlin dang reng reng hmang lo turin kan inhriattir a ni e.
Sd/- Rev.H.Lianngaia General Secretry Baptist Church of Mizoram |
|
MTKP Hriattirna
|
|
1. 2016 MTKP Inkhawmpui (Feb 18-21, 2016), Lawngtlaia neih turah Reception Committee chuan mumal zawka kan inbuatsaih theih nan Bial tin atanga kal tur zat a theih chin chin hriat lawk an duh a. November 2016 ral hmain Reception Committee hnenah bial TKP Secretary ten mahni bial atanga kal tur zat report nise a lawmawm hle ang. In report-na tur te - Reception Committee Chairman, Pu C.Lalsiammawia – 9862483268. Secretary, Pu Benjamin L.Vanchhawng – 9862496962)
2. 2017 MTKP Rorel thleng duh chuan November 2015 aia tlai lovah MTKP Organiser hnenah dilna thehluh tur a ni. Tunah hian diltu pahnih kan nei tawh.
Sd/-Rev.Samuel Lalremsanga Organiser, MTKP
|
Archive Ngenna
|
|
Kohhran History Document pawimawh te lo kawl tha in awm chuan BCM Archive a dah that turin rawn rawn pe thei/phal in awm chuan kan lawm hle ang. BCM chanchin chhui zelna a tan a tangkai hle dawn a avangin in inphalna kan rawn ngen tak meuh e. 1. Kohhran Beng Issue 1960 hma lam a mi. 2. Beirual Thuzir Bu 1970 hmalam. 3. Thildang Archive-a dah awm te. Heng te hi lo kawl tha a dah in duha, BCM Office rawn kal in harsat pawhin heng Phone No 9436149649/ 8974337587-ah te hian min rawn hriattir ula kan lawm khawp ang.
Sd/-M. Lalthanzuali Archivist |
Inneih Certificate Chungchang-Hriattirna
|
|
Mizoram Baptist Kohhran Inneih Certificate-ah hian sawrkar leh court-ah pawm a nih theih nan Mizoram sawrkar chuan thu ziak belh tur a ti chhuak a. Sawrkar thurawn angin August 2015 hian certificate thar chu siam a ni a. Hei hi January 2015 leh a hnu lama inneite hnenah pek tawk tur a ni.
Hetiang hi thil awm dan a nih takah chuan kumin 2015 January thla hnu lama innei, certificate pek tawhte chuan in certificate chu rawn kengin Headquarters Office, Serkawn leh Executive Secretary Office, Aizawl leh Lawngtlaiah te a thar (valid certificate) chu in rawn thleng thei ang. Tin, certificate hlui kha cancelled a ni a; lo lei lawk tawhte pawhin a thar nen in rawn thleng thei ang.
Sd/-(REV.H. LIANNGAIA) General Secretary, Baptist Church of Mizoram |
Kohhrante hnena ngenna
|
|
Social Concern Committee No.16-na chuan Assembly rorel Envioroment humhalh kawngah hmalak ni se tih chu umzuiin, kawng khat a tan Tualchhung Kohhran tinin mahni awmna khua/veng leh ram theuhvah ram tikang lo tur te leh thingphun uar tur te leh tui hna nei tuikhur leh luite hnar humhalh tha tur te in ngen nise a ti a. Pastor Bial kal tlangin ngenna kan han siama. Tualchhung Kohhran tinin hma lo la a, lo bawhzui tura ngen in ni e. Bial inkhawmpui a lo hnai ta a, Bial inkhawmpui Agenda-ah in lo dah theih chuan a lawmawm hle ang. Chanchin zawhfiah ngai a awm chuan zawhfiah theih reng a ni e.
Sd/- Rev.Lalbiaksanga Chinzah Director, Social Concern Department. |
Mission Department Ngenna
|
|
1. Native Worker Chawm duh tan: Demaji Mishing Baptist Association hnuaia thawk turin native Evangelist pahnih mamawh a ni a. Evangelist pakhat hi thla khatah Rs. 5,000/- (cheng sang nga) a rawih (support) theih a ni. Mimal emaw, Tualchhung Kohhran emaw, support thei chuan December, 2014 aia tlai lovah AGS i/cMission-ah inhriattir tur a ni.
2. Biak in hmun leina tur tanpuina pe thei tan: Apatani Mission field, HIJA khuaah Biak in hmun lei tum a ni a. A hmun tur hi hmuh tawh a ni, Rs. 12,00,000 (Nuai khat sing hnih) man a ni. Kan mission field Kohhrante leh kan missionary ten theihtawpin an tuak mek a, tunah hian Rs. 200,000 lai an tuak tawh a, a la ngai tam hle. Mimal, FOD leh Kohhran ten a thei apiangin HIJA Biak in hmun leina tur tuakpui thei kan awm chuan Upa K.Lalremsanga, Missionary Tlangau Circulation Manager hnenah pek theih reng a ni e. Hei hi Mission Board meeting No.22, thurel No.48-na a rel dan a ni e.
Sd/-(REV. Dr. K. LALRINTHANGA) Associate General Secretary, i/c Mission |
WCS chungchanga Thawktute leh Pensionerte
HRIATTIRNA
|
| BCM hnuaia Workers’ Condolence Scheme General Meeting chu September 12, 2014 Tlai dar 2:30-ah Sap Upa & Pu Buanga Hall-ah neih a ni a. Hetah hian rorel pawimawh tak tak kan nei a, chungte chu BCM hnuaia thawktu, WCS zawmtu zawng zawngte leh Pensioner-te kan inhriattir a ni. WCS dan tih danglam leh siam hatte: 1. WCS Fund thla tina thawh hi Rs.100/- (cheng za) a ni tawh ang a, October 2014 atangin hlawh atangin pek tur a ni ang a, a hrana chhunglut thinte pawhin rate thar angin pek tawh tur a ni.2. April 1, 2015 hnu lama Pension tharte chu WCS member an ni tawh lovang a, An pension rualin a thlahna Rs. 50,000/- (sing nga) pek an ni ang a, WCS member an nihna a tawp nghal ang. Fund pawh an pe tawh lovang.
3. Pensioner April 1, 2015 hma lama lo pension tawhte chuan WCS member an nihna an chhunzawm zel ang a, Fund pawh an pe chhunzawm zel ang.
4. Member tupawh thih dan pangngai lo (mahni intihlum)-a thite chu WCS dana ral theih a ni lovang. Tin, BCM Worker-te nungchang nena inmawi lo tur ang chi thihna chungchangahte chuan WCS member anga ral loh thlengin Committee-in thu tawp a siam thei ang.
5. BCM thawktu, WCS member, a thawh laia a lo thih chuan Rs. 70,000/- in ral a ni ang. (Dan hman tan hun : 12.09.2014 atangin)
6. Contract Worker, WCS member khaihlak awm lova kum 5 thawk tawh, a kum over age avanga a hna chawlhsante chu Rs. 25,000/- thlahna pek a ni ang.
7. Thawktu tupawh pension ni lova, hun laklawha bang emaw, bantir emaw Contract hun a tawp avanga chawlte chu WCS in thlahna a pe lo vang.
8. Pensioner, April 1, 2015 hnu lama thite chu a ralna programme hranpa siam lovin, ralna pawisa an chhhungte hnenah Rs. 50,000/- pek a ni ang.
Sd/- Upa Biakchungnunga Secretary BCM Workers Condolence Scheme |
|
