#Paithar Pastor Bial  chuan'Isua hmangaih naupangte’ tih thupui hmangin BCM Biak In, Kawlchaw West-ah KNP Inkhawmpui an nei a, Speaker-ah Upa Lalbiakthanga Chawngthuan hmang. Speaker hi Serkawn Kohhran atangin, Rbt R. Lalruatpuia'n a tawiawm a, Khawmpui ah hian Bial chhung Kohhran upa leh Rawngbawltu te bakah nu leh pa ten zanriakin an telpui bawk. KNP member te pawh Kawlchaw East tih loh chu zanriakin an thawk chhuak vek a ni.Inkhawmpui chhung hian Lengkhawm zai, Solfa, Solo, Action Recitation leh Bible Quize ah te intihsiakna an nei nghal a ni.

#Lawngtlai East Pastor Bial  chuan BCM Biak In, Nazareth, Lawngtlai-ah ‘I nu leh i pa chawimawh rawh’ (Ehesi 6:1-3) tih thupuia hmangin KNP Inkhawmpui an nei a, Speaker atan Rbt. Lalhriatpuia Chawngthu, KNP Trainer an hmang. Zirtawp zan, Inrinni zan, Pathianni zing leh Pathianni zan ah te Pathian Biak Inkhawm neiin Speaker hnen atangin thuchah ngaihthlak a nih bakah KNP te hnen atangin Zaipawl, Group zai, Recitation leh Solo te ngaihthlak thin a ni a, Inrinni leh Pathianni chawhnu-ah te Fellowship neiin Unit hrang hrang atangin Item chi hrang hrang neiin hun an hmang a ni.

#Mampui Pastor Bial KNP chuan Mampui-ah inkhawmpui hi neiin, Thupui-ah “Naupangte leh hmasawnna” tih an hmang a, Speaker-ah Tv. Pc LalramhlunaKNP Trainer an hmang. Inkhawmpui-ah hian Bial chhung Unit pali – Mampui, Gilgal(Mampui), Ngengpuikai leh Moria (Ngengpuikai) unit te atangin KNP member 157 kalin, mikhual riaklut-24 an awm a,  KNP hruaitu 17-in an telpui thei a ni.

#Mamit Pastor Bial pawh in  "Lalpa thu sawi rawh, i chhiahhlawhin a ngaithla e" (I Samuela 3:9)  thupui-a hmangin BCM Biak In Mamit-ah Inkhawmpui vawi 16-na April 7 (Pathianni) hmang khan an nei a, Speaker-ah KNP Trainer – Dr. Lallawmpuii an hmang.

#Tawipui Pastor Bial chuan ‘Thuawihna’ tih thupuia hmangin BCM Biak In, Minpui-ah KNP Inkhawmpui hi an nei a. Upa Vanlalpana Chhangte (KNP trainer) Speaker-ah an hmang a, Tawipui Pastor Bial chhunga KNP Unit hrang hrang atangin KNP member 360 an kal thei a ni.

Inrinni chhun leh Pathianni chawhnu ah teunit inelna hrang hrang – Solo, Zaipawl, Zaikhawm leh recitation ah te neih a ni. Inrinni zan, Pathianni zing leh pathianni zanah te Speaker hnen atangin thuchah leh KNP Unit hrang hrang atangin chanvo tha tak tak ngaihthlak leh thlirho thin a ni. Pathianni zan inkhawmah intihsiakna result puan leh lawman semna neih nghal a ni bawk.

#Zawlpui Pastor Bial chuan “Chhandamna” tih thupui-a hmangin BCM Biak In, Tuisenchhuah-ah Inkhawmpui an nei a, Speaker-ahNl Rebek Lalruatdiki Khiangte, KNP Trainer hman a ni.Inrinni zan, Pathianni zing leh Pathianni chawhnu leh Pathianni zanah te Inkhawm-in Speaker hnen atangin thuchah bak ah KNP Unit hrang hrang atangin chanvo tha tak tak ngaihthlak leh thlirho thin a ni bawk.

#Tuiphai Pastor Bial chuan BCM Biak In, Khawhri-ah Inkhawmpui vawi 7-na an nei a, Speaker atan Tv. Liandingpuia Pachuau, KNP Trainer an hmang a. Inrinni leh Pathianni ah te chhun lam leh zan lamah hun an hmang a. Speaker hnen atanga thuchah bakah naupang chanvo hrang hrang ngaihthlak leh thlirho thin a ni.