July 24-31, 2023 chhung khan Higher And Technical Institute, Mzioram (HATIM) chuan College Sports Week an nei a. College zirlaite hi House pali-ah thenin -  Savidge House, Lorrain House, Chapman House leh Clark House-ah te then an ni a, Sport item chi hrang hrang 19 hmangin inelna neih a ni.

July 24 (Thawhtanni) ah College campus-ah Opening Ceremony tawi hmangin Principal Pu Vuansanga Vanchhawng chu khuallian niin duhsakna leh fuihna thu a sawi a, Infiamna chi hrang hrang hmangin inelna neih zui nghal a ni. College Campus bakah hian Lena Stadium leh Chanmari Indoor ah te Sports hi neih a ni.

July 31, 2023 (Thawhtan) khan College Sports Week kharna (Closing Ceremony) neih a ni a. Chief Guest-ah Rev. L. Vanlalsanga, Director, Education Department hmangin Zirlaite fuihna leh lawmpuina thu a sawi a, Inelna-a titha te lawmman  hrang hrang sem zui nghal a ni. A pumpui-ah Lorrain House in ti tha berin Championship Trophy an chawi a, Chapman House-in dawtin pahnihna an ni a, Savidge leh Clark House ten an dawt a ni. Mimal lawmman dawng zingah C. Lalthanzuali (Lorrain House) chuan Best Girl lawmman dawngin, H. Vanlalruatfela (Clark House)-in Best Boy lawmman a dawng bawk.