Kar liamta chhung khan Pastor Bial leh Tualchhung Kohhran thenkhat-ah BCM Worship Trainern Worship Training leh Seminar hetiang hian an neihpui

#Khawzawl Pastor Bial.
June 28 – July 2 chhung khan BCM Biak in Dinthar, Khawzawl ah Solfa leh Music Training neih a ni a, Worship Trainer - Pu Lalramdina, Aizawl Ramhlun North-in Training hi a hmanpui a, Pathianni zing ah BCM Dinthar leh zan ah BCM Lungvar ah thuchah sawiin rawngbawlna a nei nghal bawk. Training ah hian Bial chhung kohhran hrang hrang atangin mi 25-30 an tel a ni.

#Serkawn Pastor Bial.
Bial Worship Committee buatsaih in  June 24 (Inrinni) hmang khan BCM Zohnuai East kohhran ah kohhrana zai hruaitute tan Training neih a, Worship Trainers - Pu ZD Lalnunsanga Chanmari in training hi a neih pui a,  he training ah hian Bial chhung kohhran hrang hrang atangin mi 61 an tel.

#BCM Chanmari, Lunglei.
June 29, 2023 (Ningani) khan Kohhran zaihruitute pualin, Zaihruai leh Music Training an buatsaih a, Worship Trainer te - Rbt C.Lalnunpuia leh Upa David Lalremruata ten training an pe a ni.

BCM Worship Department hian Worship Traniners mi 17 ruatin - Headquaters Area ah mi 8, Aizawl Area ah mi 5 leh Lawngtlai Area ah mi 4 te kan nei a. Worship Department-a dilna lo lut te bawhzuiin, Headquarters-in ruahmanna a siam a, Bial leh Tualchhung Kohhran-ah te Training hi pek thin a ni a. Tin, heng Trainers te hian Bial leh kohhran hrang hrang ten an sawmna angin Training hi an neihpui thin bawk a ni.